Ubuyobozi bukuru bw’ubutasi bwa gisirikare muri Uganda (CMI) buherutse guhindura izina bwitwa Defence Intelligence and Security (DIS) mu mpinduka ziheruka gukorwa muri UPDF.
Mu itangazo ryashyize ahagaragara, Minisiteri y’Ingabo n’ibikorwa by’abavuye ku rugerero yerekanye ko bitewe n’ishyirwaho rya UPDF ryatangijwe na Perezida Museveni muri Gashyantare, amazina y’ibiro bimwe na bimwe muri UPDF yahindutse, guhera ku itariki ya 5 Mata.
Minisiteri y’Ingabo yagize ati: "Turashaka kumenyesha abaturage ko amazina mashya yemejwe ku mugaragaro kandi azakoreshwa mu kwita amazina ibiro bya UPDF, guhera ku itariki ya 5 Mata 2024".
Kubera iyo mpamvu, Umuyobozi mukuru w’ingabo (Joint Chief of Staff) yahindutse Chief of Joint Staff (CJS), umuyobozi w’abakozi n’ubuyobozi witwaga Chief of Personnel and Administration ahinduka Joint Staff Human Resource Management (JS-HRM) mu gihe Ubuyobozi bw’ubutasi bwa gisirikare (CMI) bwahindutse ubutasi bwa gisirikare n’umutekano (DIS).
Muri izi mpinduka kandi Umuyobozi mukuru ushinzwe ibikoresho n’ubwubatsi (Chief of Logistics and Engineering) yahindutse Joint Staff Logistics, Umuyobozi w’amahugurwa n’abakozi bahinduye amahugurwa (Chief of Training and Recruitment) ahinduka Joint Staff Training and Doctrine, umuvugizi w’ingabo ahinduka umuyobozi ushinzwe amakuru rusange y’ingabo (Defence Public Information Officer).
“Amazina menshi ashobora gusobanurwa n’ushinzwe amakuru rusange y’ingabo (DPIO) nkigihe bisabwe na rubanda rusanzwe.”
Itegeko rigenga UPDF ryo mu 2021 ryatangijwe na Perezida Museveni ryashyizeho imiterere mishya y’ubuyobozi bwa UPDF.
Hemejwe ko ubu UPDF igizwe na serivisi enye zirimo Ingabo zirwanira ku butaka, Ingabo zirwanira mu kirere, inkeragutabara n’ingabo zidasanzwe.
Umugaba mukuru w’ingabo (CDF) kandi yahawe imbaraga zo kuyobora UPDF yose.
Abanyarwanda bamenye cyane ubu buyobozi bw’ubutasi bwa gisirikare (CMI) bwahindutse DIS muri za 2018 igihe uumubano w’u Rwanda na Uganda wari urimo igitotsi kuko uru rwego rwagiye ruvugwa cyane mu bikorwa byo guhutaza no gutoteza Abanyarwanda bafatwaga nk’intasi z’u Rwanda.
Tanga igitekerezo