Abaturage batatu bo mu karere ka Rutsiro bapfuye bishwe n’ibiza by’inkangu n’inkuba byibasiriye aka karere k’imisozi miremire.
Ni Ibiza byabaye kuri uyu wa kabiri, tariki 30 Mata 2024, mu mirenge ya Mushonyi na Boneza.
Aba baturage bitabye Imana, harimo abana babiri bo mu murenge wa Mushonyi bagwiriwe n’inzu barapfa harimo uw’imyaka 12 na 16, mu gihe umuturage wo mu murenge wa Boneza yapfuye akubiswe n’inkuba.
Babinyujije ku rukuta rw’akarere rwa X batangaje ko umuyobozi w’akarere, Kayitesi Dative yifatnyije n’imiryango yabuze ababo.
Ubutumwa bugira buti “Ubuyobozi bw’Akarere bwihanganishije imiryango y’Abaturage 3 bitabye imana kubera ibiza. Burakomeza gushishikariza abatuye ahantu hashobora gushyira ubuzima bwabo mu kaga kuhava. Abo bigaragara ko badafite amikoro, ubuyobozi bwiteguye kubakodeshereza amacumbi mu gihe gikwiye.”
Akarere ka Rutsiro ni kamwe mu twashegeshwe n’ibiza byibasiriye intara y’iburengerazuba niy’amajyaruguru mu ijoro rya tariki 03 gicurasi umwaka ushize.
https://x.com/RutsiroDistrict/status/1785343668284514726
Tanga igitekerezo