Mu gihe ibitero bya M23 byibasiye inkengero z’umugi wa Goma mu burasirazuba bwa DRC biteye impungenge haba muri DRC ndetse no ku rwego mpuzamahanga, ubu I Goma ndetse no mu minsi ishize I Kinshasa habereye imyigaragambyo yibasiye Loni ndetse n’ibihugu byo mu burengerazuba bw’isi. Umunyamakuru, umusesenguzi akaba n’umwanditsi mukuru wa Jeune Afrique François Soudan yabikoreye ubusesenguzi.
Ibisasu bibiri, nk’uko byatangajwe na DRC byaturikiye ku kibuga cy’indege cya Goma mu ijoro ryo ku ya 16/17 Gashyantare 2024, cyerekanye izindi mpungenge mu kwiyongera kw’intambara mu burasirazuba bwa Repubulika Iharanira Demokarasi ya Kongo. Kinshasa ivuga ko indege zitagira abapilote z’u Rwanda ari zo nyirabayazana w’ayo masasu. Kuva mu ntangiriro za Gashyantare M23 yagabye ibitero mu nkengero za Goma, umurwa mukuru w’intara ya Kivu y’Amajyaruguru. IKi gitero cyateye ubwoba mu muryango mpuzamahanga, uhangayikishijwe n’uko intambara yakototera akarere kose mugihe M23 yafata umujyi.
Mu kurwanya ibi bikorwa nibyo imyigaragambyo yatangiye yamagana, mu ntangiriro z’icyumweru gishize, i Kinshasa. Intego y’abigaragambyaga yari ukwibasira ibiro by’ibihugu byo mu Burengerazuba bw’isi, MONUSCO. « Abigaragambyaga bari bande ? Urubyiruko, ahanini, rwiyemeje cyane, rwiyemeje kugaragaza ko rukunda igihugu tubitewemo inkunga na UDPS ishyaka rya Perezida Felix Tshisekedi ».
Nk’uko François Soudan, umuyobozi mukuru wa Jeune Afrique, kuri mikoro ya Radio Mpuzamahanga y’Abafaransa abisobanura, intego yabo ni ukwamagana ibyo bita nk’ « ubufatanyacyaha » hagati y’umuryango mpuzamahanga, M23 n’U Rwanda. « Kugarura amahoro mu burasirazuba byari mu byo Felix Tshisekedi yiyemeje ubwo yiyamamazaga. Kubera iyo mpamvu, gukoresha iyi myigaragambyo, icyarimwe, guhatira Abanyaburengerazuba n’umuryango w’abibumbye gushyigikira guverinoma, guhana u Rwanda, gukumira imishyikirano iyo ari yo yose na M23, bigomba kugaragazwa nk’inkomoko y’ingaruka yahuye nazo ngo atagarura amahoro.Ni urwiyerurutso kuri guverinoma na perezida Tshisekedi ko amahanga yamutereranye ko adashobora kuryozwa wenyine kutagarura umutekano mu Burasirazuba bwa Congo kuko hari izindi mbaraga n’amahanga bakamufashije.
Bwiza.com
Tanga igitekerezo