Abasirikare bane b’Abafaransa bari mu butumwa bw’amahoro bw’Umuryango w’Abibumbye muri Repubulika ya Centrafrica (CAR) buzwi nka MINUSCA, baherutse gutabwa muri yombi, barekuwe kuri uyu wa 24 Gashyantare 2022.
Aba basirikare bafatiwe imbere y’ikibuga cy’indege mpuzamahanga cya Bangui tariki ya 21 Gashyantare, ubwo bari baherekeje Komanda w’ingabo za MINUSCA, Gen. Stephane Marchenoir basanzwe barinda, ubwo yajyaga mu Bufaransa.
Byavugwaga ko aba basirikare bari bikwije intwaro ziringaniye, intoye na gerenade bakekwagwaho umugambi wo gushaka kwica Perezida wa CAR, Faustin-Archange Touadéra wari ugiye kugera ku kibuga cy’indege avuye mu ruzinduko mu Bubiligi.
Itabwa muri yombi ryabo https://bwiza.com/?CAR-Abasirikare-4-b-u-Bufaransa-bafashwe-bakekwaho-gushaka-kwica-Perezida
Mu gihe Ubushinjacyaha bwatangazaga ko bwatangiye kubakoraho iperereza, MINUSCA n’Umunyamabanga Mukuru w’Umuryango w’Abibumbye, Antonio Guterres bamaganye ifungwa ryabo, basaba ko bafungurwa byihuse hashingiwe kuri sitasi y’ubudahangarwa bafite, bagakurikiranwa badafunzwe.
UN isaba ko bafungurwa https://bwiza.com/?UN-yategetse-CAR-gufungura-abasirikare-b-u-Bufaransa-ishingiye-ku-budahangarwa
Habayeho ibiganiro kandi byahuje Komanda wa MINUSCA n’intumwa yihariye ya Perezida Touadéra, uyu musirikare asaba ko abasirikare be bafungurwa.
Nk’uko RFI ibivuga, Ubushinjacyaha bwa CAR kuri uyu wa 24 Gashyantare bwafashe icyemezo cyo guhagarika iperereza kuri aba basirikare, nyuma yo gusanga uburyo bakurikiranwemo butaboneye.
Bafunguwe bahita basuzumwa n’abaganga, nyuma y’ibisubizo basubira muri bagenzi babo bari muri MINUSCA.
Tanga igitekerezo