Inyeshyamba za AFC/M23 ziravugwaho kugaba igitero bwa mbere muri Pinga (muri Teritwari ya Walikale), mu Ntara ya Kivu y'Amajyaruguru by’umwihariko ku kibuga cy’indege cyaho.
Nk’uko amakuru aturuka aho agera kuri ACTUALITE.CD abivuga, icyo gitero kibasiye ibirindiro by’Ingabo za Repubulika ya Demokarasi ya Congo (FARDC) biri kuri icyo kibuga kuri uyu wa Mbere, itariki ya 28 Nzeri.
Amakuru ava muri ako gace akomeza avuga ko icyo gitero cyabaye ahagana saa tatu za mu gitondo (9:00 a.m.) ku isaha yaho. Inzego za gisirikare kandi zemeje ayo makuru.
Kugeza ubu, imibare y’ababa bahitanwe n’icyo gitero ntiramenyekana. Biravugwa ko ubwo indege nto itagira umupilote (drone) y’inyeshyamba za AFC/M23 yagarukaga kugenzura bwa kabiri, Ingabo za FARDC zahise ziyirasaho zigamije kuyisubiza inyuma.
Ayo masasu ngo yaateje ubwoba n’ihungabana mu mujyi wa Pinga.
Kubera icyo kibazo, amashuri menshi yahise asubiza abanyeshuri mu rugo, abantu bari ku kazi na bo bahise bataha mu rwego rwo kwirinda.
Ibyo byatumye ibikorwa by’ubukungu n’imibereho bya buri munsi bihagarara by’agateganyo muri uwo mujyi.