Umutoza w'ikipe y'igihugu ya Repubulika ya Irilande, Heimir Hallgrímsson, yavuze ko imyitwarire y'abakinnyi be mbere y'umukino na Israel "yakuruye amaso y'Isi yose."
Abakinnyi b'amakipe yombi ntibigeze bakorana mu ntoki mbere y'umukino, wabereye muri Hongria, Ireland yatsinzemo Israel ibitego 3-0 nk'uko BBC ivuga.
Abakinnyi Irlande bubitse imitwe yabo igihe haririmbwaga indirimbo y'igihugu ya Israel. Kapiteni wa Irlande, Dara O'Shea, na kapiteni wa Israel, Manor Solomon, nabo ntibakoranye mu ntoki.
Amakipe yombi kandi ntabwo yahanye utubendera tw'urwibutso mbere y'umukino nk'uko bisanzwe bigenda. Imikino ibiri ihuza aya makipe byari byateganijwe ko izabera ku bibuga biri mu bindi bihugu, yateje impaka kuva Irlande na Israel byashyirwa mu itsinda rya B3 muri Gashyantare.
Hari abari basabye Irlande kuva mu irushanwa kubera intambara iri kubera muri Gaza. Igikorwa cyiswe "Stop the Game," cyateguwe n'itsinda rya "Irish Sport for Palestine", cyaritabiriwe cyane mu byumweru bishize.
Ishyirahamwe ry'umupira w'amaguru rya Irlande ryari ryemeje ko imikino izakomeza, rivuga ko ryagishije inama abakinnyi kandi ko abenshi bashyigikiye ko umukino ukomeza.