Umuhanzi w’icyamamare wo muri Nigeria, Kizz Daniel, yatangaje inkuru y’akababaro ko nyina yitabye Imana muri uyu mwaka.
Uyu muhanzi yabitangaje ku wa Gatanu, tariki ya 25 Nzeri 2026, ubwo yasubizaga umufana wamubajije impamvu yari amaze igihe atagaragara cyane mu bikorwa bya muzika.
Uwo mufana yamubajije niba kuba yarahagaritse ibikorwa bya muzika byaratewe no kuba yarafataga igihe ategura album nshya.
Kizz Daniel yamusubije ko atari album yamukuye mu muziki, ahubwo ko yari yafashe akaruhuko kubera uburwayi n’urupfu rwa nyina.
Yagize ati: “Nahagaritse kubera mama, si album. Namubuze muri uyu mwaka, ariko ngomba gukomeza ku bw’indi miryango.”
Uyu muhanzi kandi yasabye imbabazi abafana be kuba yaratinze kugaruka mu bikorwa bya muzika muri uyu mwaka.
Urupfu rwa nyina ruje nyuma y’umwaka urenga Kizz Daniel atakaje nyirabukwe, nyina w’umugore we, witabye Imana mu Gushyingo 2024 nyuma yo kurwara kanseri y’ibere.
Kizz Daniel ntiyigeze atangaza byinshi ku cyateye urupfu rwa nyina.