Iran yafunguye ikigo cy’imyitozo ya gisirikare i Tehran kuwa Gatandatu, bivugwa ko kigamije gutegura abaturage guhangana n’Ingabo za Amerika na Israel mu gihe haramuka habayeho igitero cyo ku butaka.
Ibitero bya Amerika na Israel ku itariki ya 28 Gashyantare byatangije intambara ubu imaze amezi arindwi. Amasezerano yo guhagarika intambara ku itariki ya 8 Mata yahagaritse intambara yamaze iminsi 40, ariko intambara za hato na hato zarakomeje.
Ikigo gishya cya Haft-e Tir Square cyakurikiye inkambi ya mbere ya Imam Hussein Square, yiteguye gutoza abaturage mu byumweru biri imbere.
Amashusho yavuye muri icyo kigo yagaragaje ingabo zikora imyitozo zikoresheje intwaro zihanura indege yisize irangi rimuhisha mu maso, imyitozo yo kurenga inzitizi kandi bakoresha ikoranabuhanga rya “virtual reality” bitoza gukoresha intwaro.
Mu kiganiro n’abanyamakuru, Ali Kowsari, wungirije ushinzwe imyitozo mu mutwe wa Basij, yavuze ko batayo 1.000 zirimo gutegurirwa gutozwa. Kowsari kandi yashimangiye akamaro ko kwirwanaho kw’abasivili.
Yavuze ko Abanya-Iran bazafatanya kurwanya igitero gishya icyo ari cyo cyose umwanzi "niyongera kubara nabi".
