Ikirunga cya Mayon giherereye muri Philippines cyarutse ku wa Gatanu tariki ya 30 Ukwakira 2026, gisohora ivu n’umwotsi byazamutse mu kirere kugera muri metero 3,000.
Ikigo gishinzwe gukurikirana ibirunga n’imitingito muri iki gihugu (Phivolcs) cyatangaje ko iruka ryatangiye saa 11:53 rihagarara saa 11:59, rimara hafi iminota itandatu.
Nyuma y’iryo ruka, Phivolcs yazamuye urwego rw’akaga k’ikirunga rugera kuri Level 3, isaba abaturage batuye mu bilometero bitandatu bikikije Mayon kwimurwa kubera ibyago by’imigezi y’amabuye ashyushye, ivu n’ibindi bisigazwa by’ikirunga.
Iki kigo kandi cyaburiye abaturage bo mu duce twa Daraga na Guinobatan ko bashobora kwibasirwa n’ivu rizaturuka kuri icyo kirunga.