Mu Ntara ya Tigray muri Ethiopia, ingabo z’igihugu zikomeje kwegera imbere mu majyaruguru zerekeza ku mupaka na Eritrea, aho Ingabo za Eriterea na zo zirunze. Ku munsi w'ejo, kuwa Gatandatu, Eritrea yahamagariye Akanama k'Umuryango w’Abibumbye gashinzwe Umutekano kwamagana "gutangaza intambara ibabaje," kwa Ethiopia iburira ko "izahungabanya akarere kose."
Mu ibaruwa yayo, Eritreaa yaburiye ko intambara izangiza ibintu byinshi ku batuye ibihugu byombi. Yasabye Akanama k'Umuryango w’Abibumbye gashinzwe Umutekano kwamagana Ethiopia no gufata ingamba zo gukumira intambara.
Nk’uko byatangajwe n'umwanditsi w'iyi nyandiko, Minisitiri w’Ububanyi n’Amahanga wa Eritrea, Osman Saleh, ngo Ethiopia irashaka kwerekana ishingiro ryo gushoza intambara ku gihugu cye.
Uburenganzira bwo Kwirwanaho
Ku wa Gatanu, itariki ya 9 Ukwakira, Ethiopia yashinje umuturanyi wayo ubushotoranyi no kwinjiza ingabo ku butaka bwayo, zigiye gufasha imitwe ihanganye na leta iyobowe na TPLF, bityo ikaba ifite uburenganzira bwo kwirwanaho.
Hagati aho, Ingabo za Ethiopia zimaze gufata ahantu h’ingenzi mu Ntara ya Tigray.
Nyuma y'ibyumweru bibiri hafashwe umurwa mukuru wayo, Mekele, ingabo z’umutwe w’Abanya-Tigray (Tigray Peace Forces), zifatanije na guverinoma ihuriweho na leta, zigaruriye umujyi wa Adigrat mu gitondo cyo kuri iki Cyumweru, itariki 11 Ukwakira, ku birometero 40 mu majyepfo y’umupaka wa Eritrea.
Ingabo ubu ziragenda zerekeza ku mupaka wa Eritrea. Ambasade ya Amerika muri Eritrea yatanze umuburo ku gicamunsi cyo ku itariki ya 9 Ukwakira, uvuga imirwano ibera ku mupaka kandi isaba abaturage bayo kwitegura kwimuka.
Amakuru aturuka mu nzego z'umutekano agera kuri AFP avuga ko abasirikare ba Eritrea bari bamaze kugera muri Tigray bari hagati ya 5.000 na 8000. Bivugwa ko batangiye kuhava nyuma yo kugabwaho ibitero bya drone ku wa Kane, itariki 8 Ukwakira.