Umunya-Maroc Youssef Rhab, biravugwa ko yamaze kwandikira ubuyobozi bw'ikipe ya Raja Casablanca y'iwabo abusaba kumushakira indi kipe, kuko atifuza gukomeza gukinira Rayon Sports.
Youssef yatijwe Rayon Sports na Raja Casablanca yo muri Maroc, binyuze mu masezerano y'ubufatanye yasinywe hagati y'impande zombi.
Youssef ni umwe mu bakinnyi ngenderwaho muri Rayon Sports uri mu bari bayifatiye runini.
Umwanya w'Iyamamaza ry'Ubucuruzi - BWIZA ADS
Kwamamaza hano: isaackamis@gmail.com | +250 788 000 000
Umunyamakuru Sam Karenzi yavuze ko Youssef mu ibanga yandikiye Raja Casablanca ko atifuza kuguma muri Rayon, ayisaba kumushakira indi kipe cyangwa ikamuha uburenganzira bwo kwishakira indi kipe.
Bivugwa ko Youssef yafashe icyemezo cyo kuva muri Rayon Sports kubera ubwumvikane buke yari afitanye n'umutoza Irambona Masudi Djuma.
Youssef si we wenyine wari ufitanye ikibazo n'umutoza Masudi kuko na kapiteni Kevin Muhire wa Rayon Sports cyo kimwe na Blaise Nishimwe bagaragaje uriya mutoza nk'ikibazo.
Rayon Sports uheruka guhagarika by'agateganyo umutoza Masudi kubera umusaruro mubi, mu gihe hagishakwa buryo ki icyo kibazo cyakemuka.