Ihuriro rya FRN yafashe mpiri umwe mu bacanshuro b'abazungu bari mu ndege y'intambara ya FARDC yahanuriwe mu gace ka Kalonge hafi ya Minembwe, kuri iki cyumweru tariki ya 22 Ugushyingo 2026.

Umwe mu bapilote b'indege y'intambara y'igisirikare cya Congo, bigaragara ko ari umucanshuro, ubu ari mu maboko y'abarwanyi b'umutwe wa FRN wa Joseph Kabila nyuma y'uko indege bari batwaye irasiwe mu gace ka Kalonge.

Amashusho yashyizwe ahagaragara na FRN, agaragaza ibisigazwa by'indege mu byaguye mu bihuru, ndetse ifoto imwe ikaba igaragaza abandi bantu babiri basa nk'abapfuye.

Kalonge ni Gurupoma yo muri Kivu y'Amajyepfo, iherereye ku muhora w'ingenzi hagati ya Miti/Tshivanga na Bunyakiri, hahana imbibi na Kabare na Kalehe.

