Umugore w’imyaka 45 ukomoka muri Sudani y’Epfo, wari utuye muri Uganda, yishwe n’isasu ryaturutse mu mirwano yabereye muri Sudani y’Epfo.
Ibi byabereye mu gace ka Mungujayi muri Sudani y’Epfo, hafi y’Akarere ka Koboko muri Uganda, ku wa 29 Ukwakira 2026, ahagana saa yine za mu gitondo.
Uyu mugore witwa Roba Jerina, yishwe n’isasu ryarenze umupaka rigwa ku butaka bwa Uganda, nk’uko byatangajwe n’Umuvugizi wa Polisi ya Uganda mu Ntara ya West Nile, Josephine Angucia kuri uyu wa mbere.
Amakuru dukesha ikinyamakuru The Observer avuga ko iryo sasu ryaturutse mu mirwano yahuje imitwe ibiri y’abarwanyi ishamikiye ku mutwe wa SPLA-IO (Sudan People’s Liberation Army-in-Opposition).