Ubutumwa bugenewe abanyeshuri mu bihe byo kwibuka Jenoside yakorewe Abatutsi ku nshuro ya 24

Uruhare rwa mbere rw’uburezi mu gukumira jenoside ni ukwigisha abana b’Abanyarwanda kwitandukanya burundu n’ingengabitekerezo ya jenoside, bagasobanurirwa impamvu yo kwibuka no guha icyubahiro abazize Jenoside yakorewe Abatutsi mu 1994 banazirikana ubutwari bw’ingabo za RPF-Inkotanyi zahagaritse iyo jenoside mu Rwanda n’abandi babaranzwe n’ibikorwa by’indashyikirwa nk’Abarinzi b’Igihango.
Ibi akaba ari ibikubiye mu butumwa minisiteri y’uburezi yageneye abanyeshuri n’ubuyobozi bw’ibigo mu mashuri muri ibi biruhuko bizibukirwamo ku nshuro ya 24 Jenoside yakorewe Abatutsi mu Rwanda.
Minisiteri y’uburezi yifurije abanyeshuri bagiye mu biruhuko by’igihembwe cya mbere cy’umwaka w’amashuri wa 2018 kugira ibiruhuko byiza, iboneraho kubibutsa ko uburezi ari uburenganzira bw’ibanze bwa muntu bukaba n’ishingiro ry’iterambere rirambye ry’umuryango n’igihugu muri rusange.
Insanganyamatsiko yo kwibuka Jenoside yakorewe Abatutsi ku nshuro ya 24 iragira iti: “Kwibuka twiyubaka.”
Minisiteri y’uburezi mu butumwa bwayo ikaba ivuga ko uruhare rwa mbere rw’uburezi mu gukumira jenoside nii ukwigisha abana b’Abanyarwanda kwitandukanya burundu n’ingengabitekerezo ya jenoside, bagasobanurirwa impamvu yo kwibuka no guha icyubahiro abazize Jenoside yakorewe Abatutsi mu 1994 banazirikana ubutwari bw’ingabo za RPF-Inkotanyi zahagaritse iyo jenoside mu Rwanda n’abandi babaranzwe n’ibikorwa by’indashyikirwa nk’Abarinzi b’Igihango.
Yaboneyeho kwibutsa abanyeshuri kwitabira gahunda zo kwibuka ku nshuro ya 24 ziteganyijwe mu cyunamo aho batuye, kurushaho kwegera abarokotse, kwitabira ibikorwa byo gusukura inzibutso, kwitabira ibiganiro n’ibindi bikorwa byose biteganyijwe.
Ubu butumwa bwashyizweho umukono n’umunyamabanga wa leta muri minisiteri y’uburezi ushinzwe amashuri abanza n’ayisumbuye, Dr Isaac Munyakazi, busoza busaba ubuyobozi bw’ibigo by’amashuri mu byiciro bitandukanye, gutegura umunsi wihariye wo kwibuka ku mashuri hagamijwe kwibuka abanyeshuri n’abarezi bazize Jenoside yakorewe Abatutsi mu gihe cy’iminsi 100 yo kwibuka ndetse muri uyu mwaka abayobozi b’ibigo n’abarezi bakazagira uruhare rwihariye mu gutanga no kwitabira ibiganiro bizatangwa mu cyumweru cy’icyunamo.

Kanda kuri SUBSCRIBE ujye ubona ibiganiro n’indirimbo bishya
https://www.youtube.com/watch?v=ycoCO701XhQ