Perezida Kagame yatorewe guhagararira RPF Inkotanyi mu matora y'Umukuru w'Igihugu

Perezida Paul Kagame kuri uyu wa Gatandatu tariki ya 9 Werurwe, yatorewe guhagararira ishyaka RPF Inkotanyi mu matora y'Umukuru w'Igihugu ateganyijwe muri Nyakanga uyu mwaka.

Perezida Kagame yatorewe mu nteko idasanzwe ya RPF Inkotanyi yabaye kuri uyu wa Gatandatu.

Ni inteko yabereye i Rusororo mu karere ka Gasabo, yitabirwa n'abanyamuryango babarirwa mu 2,000.

Perezida Kagame yemejwe nk'umukandida wa RPF nyuma yo gutorwa n'abanyamuryango babarirwa mu 1935 bangana na 99.1%.