Kenya: Abanduye Ebola bamaze kuba 7

‎Minisiteri y’Ubuzima ya Kenya yatangaje ku wa Gatandatu ko habonetse abarwayi bashya bane ba Ebola, barimo umuntu umwe wari wahuye n’uwapfuye azize iyo ndwara, hamwe n’abakozi bo mu rwego rw’ubuzima batatu bitaye kuri uwo murwayi.
‎
Kugeza ku itariki 6 Ukwakira, igihe umuntu wa mbere wanduye yagaragazwaga, icyo gihugu cyari kitaragaragaramo abarwayi ba Ebola. Uwo muntu yari Umunyakenya wabaga muri Repubulika ya Demokarasi ya Congo (DRC), akaba yarapfuye azize iyo ndwara nyuma yo kugera muri Kenya.
‎
Ku itariki 17 Gicurasi, nibwo Repubulika ya Demokarasi ya Congo yatangaje ko habayeho icyorezo cya Ebola, kikaba ari icya 17 cyibasiye icyo gihugu. Kuva icyo gihe, abantu barenga 9,000 banduye iyo ndwara.
‎
‎Ni mu gihe mu myaka 50 ishize, virusi ya Ebola imaze guhitana abantu barenga 15,000 ku mugabane wa Afurika nk'uko inkuru dukesha BBC ivuga.
‎
Mu itangazo ryayo, Minisiteri y’Ubuzima ya Kenya yemeje ko habonetse abarwayi bashya bane ba Ebola, bituma umubare w’abanduye bose hamwe uba barindwi, harimo n’umuntu wa mbere wapfuye azize iyo ndwara.