Madamu Jeannette Kagame yitabiriye ubukwe bwa Charlene Ruto, umukobwa wa Perezida wa Kenya, William Ruto, wasezeranye n’umukunzi we Isaya Yunge, ukomoka muri Tanzania.
Ubu bukwe bwabaye ku wa Gatanu, tariki ya 6 Ugushyingo 2026, muri Malaika Beach Hotel, iherereye mu Mujyi wa Mwanza, hafi y’Ikiyaga cya Victoria muri Tanzania.
Ni ibirori byitabiriwe n’abanyacyubahiro batandukanye, barimo abayobozi, abanyapolitiki, inshuti n’abagize imiryango y’abageni baturutse mu bihugu bitandukanye byo muri Afurika y’Iburasirazuba. Madamu Jeannette Kagame na we yari mu bashyitsi b’icyubahiro batumiwe muri uyu muhango.
Charlene Ruto yashyingiranywe na Isaya Yunge, umushoramari wo muri Tanzania ukora mu rwego rw’ikoranabuhanga. Umuhango wo gusezerana imbere y’Imana wayobowe n’abayobozi ba Africa Inland Church muri Tanzania.
Ibi birori byakurikiye umuhango gakondo wo gusaba no gukwa uzwi nka Koito mu muco w’Abakalenjin, wabereye ku wa 8 Kanama 2026 mu rugo rw’umuryango wa Perezida William Ruto, Intonna Heritage Farm, ruherereye i Kilgoris mu Karere ka Narok muri Kenya.