Bwiza

FARDC irigamba gusubiza inyuma ibitero bya FRN i Mahanga na Kilongo

Amakuru•
Denis Nsengiyumva
By Denis Nsengiyumva
•Kuwa Gatanu, 20 Ugushyingo 2026 saa 09:41
FARDC irigamba gusubiza inyuma ibitero bya FRN i Mahanga na Kilongo

Ingabo za Repubulika ya Demokarasi ya Congo (FARDC), zifashijwe n’imitwe y’inyeshyamba ya wazalendo, biravugwa ko kuwa Kane zahagaritse ibitero byagabiwe icyarimwe n’abarwanyi ba FRN ku birindiro by’ingabo za leta i Mahanga na Kilongo, imijyi mito ibiri iherereye mu gace ka Butsike (muri Gurupoma ya Nyamaboko 1), mu Teritwari ya Masisi muri Kivu y’Amajyaruguru.

Nk’uko amakuru ava mu nzego z'umutekano muri ako gace agera kuri ACTUALITE.CD, abivuga, inyeshyamba za FRN zagabye ibitero icyarimwe ku birindiro by’ingabo za Leta (FARDC) n’abafatanyabikorwa bazo muri utu duce tubiri, mu masaha ya kare mu gitondo. Iyo mirwano, yaranzwe no gukoresha intwaro ziremereye n’izoroheje, ngo yamaze amasaha menshi.

Nk’uko ayo makuru akomeza abivuga, nyuma yo guhagarika abarwanyi ba FRN, ingabo za Leta zabashije kubasubiza inyuma berekeza i Kasopo, aho bari baturutse.

Nyuma y’iyo mirwano, uduce twa Mahanga na Kilongo twakomeje kuba mu maboko y’Ingabo za FARDC n’imitwe ya Wazalendo.

Iki gitero gishya kije mu gihe hari umutekano muke ukabije mu gace ka Masisi, aho imirwano ikomeje hagati y’inyeshyamba za FRN n’ingabo za Leta mu bice bitandukanye.

Denis Nsengiyumva

Inkuru yanditswe na: Denis Nsengiyumva

Umunyamakuru wa BWIZA.COM wanditse inkuru 11,310.