Diyama nini cyane yabonetse muri Botswana

Diyama ipima carat 2,492, yabonetse mu kirombe gicukurwamo amabuye y’agaciro cya Karowe giherereye mu majyaruguru y’uburengerazuba bwa Botswana.

Mu itangazo ryashyizwe ahagaragara na sosiyete icukura amabuye y’agaciro ya Lucara ikorera muri Botswana yatangaje ko iyi diyama ari imwe muri Diyama za mbere nziza kandi nini zabayeho mu mateka.

Binashimangirwa n’umukuru w’igihugu cya Botswana mu itangazo ryihariye yatangaje ko “iyi Diyama iri hafi nko mu rwego rw'ibiro bya zahabu nini cyane ziboneka ku isi, nka “Cullinan”, ipima carat 3.100, yabonetse muri Afurika y'Epfo mu mwaka wa 1905.”

Rtl info itangaza ko kubera ikoranabuhanga rikoreshwa muri iyi minsi mu gusuzuma ahaherereye amabuye y’agaciro, zahabu nyinshi nini zigenda ziboneka mu kirombe cya Karowe.

Nubwo izi mpano nziza Imana yashyize mu butaka bwa Botswana zibonetse muri ibi bihe,zije igihe igiciro cya zahabu ku isoko mpuzamahanga kiri ku rwego rwo hasi, kuva mu myaka ine ishize, kubera icyorezo cya Covid-19 cyatumye abakiriya bashora imari mu by’ubucuruzi bw’amabuye y’agaciro bagabanuka ,ariko hakaba hari icyizere ko igihe ibintu bizasubira mu buryo .

Bwiza.com