Imirambo y'abantu 12 bambaye impuzankano isa n'igisirikare cy'u Burundi yabonetse mu ishyamba rya Kibira, ahaherera mu giturage cya Gafumbegeti muri Komine ya Mabaye mu Ntara ya Cibitoke.
Sos Media yatangaje ko abaturage baho bayibwiye ko iyi mirambo yabonetse nyuma y'uko mu minsi ine ishize, muri Gafumbegeti huvikanye urusaku rw'amasasu. Abayibonye kandi bavuga ko imwe muri yo yari iziritse.
Ubwoba ni bwinshi ku batuye muri aka gace, abegereye ishyamba bo ngo bakaba batangiye kuhimuka.
Umwanya w'Iyamamaza ry'Ubucuruzi - BWIZA ADS
Kwamamaza hano: isaackamis@gmail.com | +250 788 000 000
Mabayi yakunze kuvugwamo umutekano muke uturuka muri iri shyamba rya Kibira, bivugwa ko ricumbikiye imitwe irwanya irwanya ubutegetsi bwa CNDD-FDD nka Red Tabara.
Tariki ya 17 Ugushyingo 2019, ibirindiro by'ingabo z'u Burundi muri Mabayi byagabweho igitero n'abitwaje intwaro baturutse mu ishyamba rya Kibira. Icyo gihe abasirikare bagera muri 38 bahasize ubuzima.
Byageze mu matariki 20 muri uko kwezi bivugwa ko hari abandi basirikare 100 baburiwe irengero. Umutwe uvuga ko uharanira impinduramatwara mu Burundi, FRB-Abarundi, watangaje ko ari wo wabikoze.