Igikomangoma cy’ikamba rya Arabia Saoudite, Mohammed bin Salman, kuri uyu wa Mbere, itariki 11 Ugushyingo 2024, yatangaje ko ibikorwa bya Israel muri Gaza ari ’“jenoside”, kumwe mu kunenga ku mugaragaro gukozwe n’Umuyobozi wa Arabia Saoudite kuva intambara yatangira .

Mu ijambo rye mu nama y’abayobozi b’Abarabu n’Abayisilamu, Igikomangoma Bin Salman yaboneyeho kunenga ibitero bya Israel byibasiye Liban na Iran.

Mu gisa nko gushaka kunoza umubano hagati y’ibi bihugu ubusanzwe bidacana uwaka, Iran na Arabia Saoudite, Mohammed bin Salman yihanangirije Israel ayisaba kwirinda kugaba ibitero ku butaka bwa Iran.

Uyu muyobozi mu by’ukuri usa nk’aho ari we uyoboye Arabia Saoudite yifatanije n’abandi bayobozi bari muri iyi nama basaba ko Israel yavana ingabo muri West Bank no muri Gaza nk’uko iyi nkuru dukesha BBC ivuga.

Hagati aho, Minisitiri w’Ububanyi n’Amahanga wa Arabia Saoudite yavuze ko ari “ukunanirwa k’Umuryango Mpuzamahanga” kuba intambara ibera muri Gaza itarahagazee, ashinja Israel kuba yarateje inzara muri ako karere.

Igikomangoma Faisal Bin Farhan Al-Saud yagize ati: "Aho Umuryango Mpuzamahanga wananiwe mbere na mbere ni mu guhagarika amakimbirane ako kanya no guhagarika ibitero bya Israel."

Intambara yo muri Gaza yatewe n’igitero cya Hamas cyo ku itariki ya 7 Ukwakira 2023, aho abantu babarirwa mu magana bitwaje imbunda binjiye mu majyepfo ya Israel, bica abantu bagera ku 1200 abandi 251 bajyanwa bugwate.

Minisiteri y’ubuzima iyobowe na Hamas ivuga ko Israel yihoreye itangiza gahunda ya gisirikare yo gusenya Hamas, aho bivugwa ko muri Gaza hamaze gupfa abantu barenga 43.400.

Izindi Nkuru Bijyanye

Perezida Kagame yasabiye ibihano ibihugu bya EAC birimo RDC n’u Burundi

RDC yarunze inyeshyamba za FLN ya Rusesabagina hafi y’umupaka w’u Rwanda

Lubero: M23 yongeye gutana mu mitwe na FARDC