Umudage Mesut Özil wamenyekanye mu makipe atandukanye nka Real Madrid na Arsenal, yasezeye ku mupira w’amaguru kuri uyu wa Gatatu.

Uyu mukinnyi ufatwa nk’umwe mu beza babayeho bakina mu kibuga hagati yemeje amakuru y’isezera rye abinyujije ku rubuga rwe rwa Instagram. Ni icyemezo yafashe nyuma yo kwibasirwa n’imvune z’akarande.

Özil yakinnye umukino we wa nyuma ku wa Gatanu w’icyumweru gishize ubwo yasimburwaga mu kibuga mu mukino ikipe ye ya Install Basaksehir yatsindwaga na Kayserispor igitego 1-0, mu mukino wa shampiyona ya Turkiya.

Uyu mukino wari umwe muri ibiri Özil yakinnye abanje mu kibuga kuva yagera muri iriya kipe avuye muri Fenerbahce mu mpera y’umwaka ushize.

Uyu mugabo mu tangazo yasohoye yavuze ko "Nyuma yo kubitekerezaho, ntangaje ko nsezeye by’ako kanya mu mupira w’amaguru nk’uwabigize umwuga. Nagize uburenganzira bwo kuba umukinnyi wabigize umwuga ku myaka hafi 17 y’amavuko, kuri ubu ndumva nashima cyane ku bw’amahirwe nahawe."

Yunzemo ati: "ko mu byumweru biheruka nyuma yo kugira imvune, byaragaragaye ko ari igihe cyo gusezera umupira w’amaguru."

Özil yashimiye amakipe ya Schalke 04, Werder Bremen, Real Madrid, Arsenal, Fenerbahce na Basaksehir yakiniye, ndetse n’abatoza na bagenzi be bakiniye ku bwo kumushyigikira.

Özil yakiniye Fenerbahce imikino 37 ayitsindira ibitego icyenda, mbere yo gusesa amasezerano bari bafitanye.

Uyu mukinnyi kandi hagati ya 2013 yakiniye Arsenal imikino 254, atwarana na yo ibikombe bine bya FA Cup.

Yakiniye kandi u Budage imikino 92, atwarana na yo Igikombe cy’Isi cya 2014 nyuma yo gutsinda Argentine igitego 1-0.

Izindi Nkuru Bijyanye

Irerero rya PSG mu Rwanda ryegukanye igikombe cy’Isi

Rayon Sports yatuye Perezida Kagame Igikombe cy’Amahoro yatwaye APR FC

Abakinnyi 10 ba Rayon Sports bemeye kujya gukina na APR FC