Abadepite bo mu nteko ishinga amategeko y’u Budage, bijeje Repubulika Iharanira Demokarasi ya Congo kuyifasha kotsa igitutu Perezida Paul Kagame kugira ngo ahagaike igitero bavuga ko yagabye kuri RDC.

Ku wa Gatanu tariki ya 02 Kamena 2023 ni bwo itsinda ry’abadepite batandatu b’Abadage bagiriye uruzinduko muri Congo, aho bakiriwe na Perezida w’Inteko ishinga amategeko ya kiriya gihugu, Christophe Mboso N’Kodia.

Ni uruzinduko babwiye itangazamakuru ry’I Kinshasa ko rwari rugamije guhimangira ubufatanye hagati y’Inteko zishinga amategeko z’ibihugu byombi.

Dr. Forest Christoph Hoffmann wari uyoboye itsinda rya bariya badepite, yabwiye abanyamakuru ko icyari cyabazanye mu nteko ya Congo ari ukuvugurura umubano w’inteko yabo ndetse n’iya kiriya gihugu.

Ati: ”Turi itsinda ry’intumwa z’abadepite batandatu b’Abadage bari mu ruzinduko muri RDC. Twese turi muri abo Komisiyo y’ubufatanye mpuzamahanga mu by’ubukungu n’iterambere mu nteko ishinga amategeko y’u Budage. Turajwe ishinga no kuvugurura umubano n’inteko ishinga amategeko ya RDC.”

Uyu mudepite kandi yamaganye icyo yise igitero u Rwanda rwagabye kuri Congo Kinshasa, avuga ko we na bagenzi be biteguye kotsa igitutu Perezida Paul Kagame kugira ngo agihagarike.

Yagize ati: “Ntibisanzwe. Ibi ntidushobora kubyihanganira. Ni ku bw’ibyo, Minisitiri wacu w’Ububanyi n’Amahanga yamaze kwamagana iki gitero, kandi dutegereje kotsa igitutu Perezida w’u Rwanda kugira ngo ahagarike iki gitero.”

Uwahoze ari Umunyamabanga wa Leta muri Minisiteri y’Ububanyi n’Amahanga y’u Budage, Katja Keul na we yikomye u Rwanda, arusaba kubaha ‘ubusugire bwa Congo.’

Izindi Nkuru Bijyanye

Kenya: Umunyapolitiki ukomeye yibasiwe nyuma yo gusaba Perezida Kagame ko yarekera kuyobora u Rwanda

Perezida Ndayishimiye yavuze ku mwuka mubi uhwihwiswa mu Burundi

Abashingamategeko bo muri USA barasaba Menendez kwegura bwangu