Connect with us

Iyobokamana

Uwahoze ari umushumba wa Kiliziya Gaturika yaciye amarenga yo gusezera ku Isi

Published

on

Papa Benedigito wa 16 wahoze ari umushumba mukuru wa Kiliziya Gaturika aratangaza ko ari mu minsi ye ya nyuma hano ku Isi.

Uyu wahoze ari umushumba mukuru wa Kiliziya Gatolika mu rwandiko yashyize ahagaragara rwagaragaye muri kimwe mu inyamakuru byo mu Butaliyani, yavuze ko kubera aho yumva imbaraga z’umubiri we zigeze, bigaragaza ko yatangiye urugendo rutaha iwabo wa twese.

Papa Benedigito wakoze agashya ko kwegura ku mirimo ye kuwa 11 Gashyantare 2013,  yanditse ibaruwa ngufi ayinyuza mu kinyamakuru Corriere della Sera nyuma y’aho abasomyi bari bamaze iminsi babaza amakuru ye.

Iki kinyamakuru kikaba cyashyize ahagaragara iyi baruwa kuri uyu wa Gatatu, iminsi mikeya mbere y’uko Benedigito azaba yizihiza isabukuru y’imyaka 5 ishize asezeye ku mirimo ye.

Muri iyi baruwa uyu mukambwe w’imyaka 90 y’amavuko yagize ati: “Navuga gusa ko muri uku kugabanyuka gahoro kw’imbaraga z’umubiri, muri njye ndi mu rugendo rugana iwacu”.

Yashimye cyane kandi abamwandikiye ubutumwa bamwifuriza isabukuru y’imyaka itanu asezeye ku ntebe y’ubutungane.

Yagize ati “Biranshimisha iyo abantu banditse bashaka kumenya uko mbayeho muri iyi minsi yanjye ya nyuma kw’isi.”

Papa Benedigito abamwegereye bavuga ko nubwo atakibasha gutambuka ariko mu mutwe hagikora neza, kuva yakwegura ku buyobozi bwa Kiliziya Gaturika aba I Vatican.

 

Kanda hano wiyandikishe ( Subscribe) ubona ibiganiro, indirimbo kandi bishya mu mashusho

Advertisement
TANGA IGITEKEREZO

Leave a Reply

Your email address will not be published. Required fields are marked *