Connect with us

Iyobokamana

Umukirisito utunze indirimbo muri telefoni ye atarayiguze na nyirayo, ni umujura- Past. Munishi

Published

on

Umuhanzi akaba na Pasiteri, Munishi Faustin, yabwiye abakirisito batunze indirimbo z’abahanzi muri telefoni zabo bataraziguze na banyirazo ko ari abajura, ndetse ko bakwiye kwihana icyaha cyo kwiba.

Ku Cyumweru tariki ya 3 Ukuboza 2017, kuri Dove Hotel, nibwo Pasiteri Faustin Munishi, umuririmbyi ukomoka mu igihugu cya Kenya, yatangaje ibi, yaje gufatanya n’umuhanzi Timamu Jean Baptiste wari uri kumurika Album ye ya kane yise turakomeje,

Pasiteri Munishi Faustin, ubwo yageraga ku kibuga cy’indege

Munishi ubwo yari asabwe gufungura ku mugaragaro Album ya Timamu, yabanje kubwira abari mu gitaramo ko kugirango umuziki w’indirimbo z’Imana wo mu Rwanda utere imbere, ari uko abantu bose bakwiye guhaguruka bagashyigikira abahanzi babo..

Ati “mu by’ukuri nimuhaguruke dufatanye dutere inkunga mwenedata kugirango ibi bintu byiza afite bigere aho atabasha kugera , ibi bihe biragoye, urakora indirimbo waba utarayikura muri studio ikagutanga hanze , ni ibihe bikomeye , umuhanzi azabaho gute mu igihe bimeze gutyo, mureke dushyigikirane, tugure indirimbo z’abahanzi bacu” .

Munishi yakomeje abwira abari bitabiriye igitaramo cya Timamu ko abizi ko abenshi bafite telefoni ndetse ko batunze n’indirimbo z’abahanzi bataguze.

Ati “muntu utunze indirimbo y’umuhanzi muri telefoni utarayiguze na nyirayo uri umujura, ihane icyaha cyo kwiba, kuko waribye, ntabwo abahanzi bazatera imbere cyangwa ngo babone icyo kurya mukora gutyo, mureke dukiranuke kuri byose.”

Bamwe mu bitabiriye igitaramo

Mu kiganiro Timamu yagiranye na Bwiza.com ubwo igitaramo cyari gihumuje, yavuze ko we atemera ko umuntu utunze indirimbo y’umuhanzi atarayiguze yaba ari umujura, ngo byabaho bitewe n’impamvu yatumye uwo muntu ayitunga,

Ati: “njye simbifata nk’ubujura kuko akenshi hari abatunze indirimbo usanga ziba zaravuye kuri ba nyirazo , njye ahubwo mbona imyumvire yabo dukorera umuziki ariyo irihasi kuko burya n’abaririmba indirimbo zisanzwe nabo usanga abantu bazitunze muri telefoni zabo kandi nyamara n’abo bahanzi babayeho neza”.

Timamo ubwo yari kurubyiniro

Umuhanzi Munishi akaba n’umushumba, ni umuririmbyi ukomoka mu gihugu cya Kenya, uyu akaba yaramenyekanye mu myaka ya za 1980, aho azwi ku ndirimbo nka Yesu ni wimbo n’izindi. Yaje mu Rwanda aje kwitabira igitaramo cyo gushyira ku mugaragaro album ‘Turakomeje’ ya Timamu, ariko aba bombi ntibahiriwe no kuririmbira abantu benshi, kuko ugereranyije umubare w’abitabiriye iki gitaramo ntibarenze 100 mu gihe salle ya Dove Hotel bakoreyemo ijyamo abarenga 2000.

Chairman w’itorero ry’igihugu Hon. Edouard Bamporiki na Madame we bari bitabiriye iki gitaramo

Kanda hano ujye ubona amakuru yihuse kandi kugihe kuri Facebook no kuri twitter

Mecky Kayiranga/bwiza.com

Advertisement
3 Comments

Leave a Reply

Your email address will not be published. Required fields are marked *