Connect with us

Amakuru

Uko umunyemari, Nkurunziza yafatanyije n’ubuyobozi bwa banki kwiba umujenerali wo muri Sudani y’Epfo Miliyari

Published

on

Abashinzwe iperereza muri Uganda cyo batangiye iperereza ku mucamanza wo mu rukiko rukuru n’abayobozi bo muri banki ya Stanbic, icyicaro cya Nakasero, bafatanyije n’umucuruzi witwa Fred Nkurunziza kubikuza mu buryo bunyuranyije n’amategeko asaga Miliyari y’Amashilingi kuri konti y’umujenerali wo muri Sudani y’Epfo.

Uyu mucuruzi, Nkurunziza, kuri ubu uri muri kasho ya polisi mu rwego rw’iperereza, ari mu kigero cy’imyaka 30 akaba akora akazi ko gusya ingano, atuye ahitwa Muyenga mu mujyi wa Kampala.

Naho umujenerali wo mu ngabo za Sudani y’Epfo wacucuwe ni uwitwa Maj. Gen. Akok Noon Akok, akaba umuyobozi mukuru wa serivisi za gasutamo ndetse akaba yaranabaye umukuru w’umutwe ushinzwe kurinda perezida Salva Kiir.

Dore uko byagenze

 

Mu kwezi kwa Gicurasi muri uyu mwaka, ni bwo uyu Nkurunziza ngo yakoresheje maneko ze muri Stanbic Bank mu ishami rya Nakasero akamenya ko Gen. Akok afite kuri konti ye amadolari 260,000.

Amakuru akaba avuga ko abinyujije ku munyamategeko we, nawe urimo gushakishwa n’igipolisi, yagiye mu rukiko rukuru agatanga ikirego arega Gen Akok Noon Akok.

Nkurunziza ngo yabwiye umucamanza wo muri uru rukiko, bivugwa ko nawe yari muri uyu mugambi, ko yagurishije Gen. Akok imashini ye isya kuri Miliyari y’Amashilingi ariko akaba atarigeze amwishyura n’igiceri kimwe ndetse telephone ze zikava ku murongo ntabashe kongera kumubona. Icyo gihe akaba yaranongereyeho ko Gen Akok yahise asubira I Juba.

Uyu mucamanza, amazina ye atigeze ashyirwa ahagaragara ku mpamvu z’iperereza, yahise atumiza Gen Akok mu rukiko ariko undi ntiyabasha kuhagera ngo yiregure.

Nyuma y’iminsi 14, ni bwo uwo mucamanza yasohoye impapuro zo kumuta muri yombi ariko na bwo ntiyafatwa kuko atari muri Uganda.

Iyi nkuru dukesha Spyreports ikaba ikomeza ivuga ko uwo mucamanza yahise afata icyemezo kibogamiye kuri Nkurunziza, ariko impuguke mu by’amategeko zikaba zivuga ko umucamanza yasohoye impapuro zita muri yombi Gen Akok nyamara Nkurunziza atari yamugejejeho ubutumire mu rukiko.

Aba bakaba bavuga ko Nkurunziza yari gutumiza Gen Akok yifashishije itangazamakuru niba yari yananiwe kumugeraho imbonankubone dore ko ngo Sudani y’Epfo ifite n’ikinyamakuru muri Uganda bari kwifashisha.

Aba bakomeza bavuga kandi ko umucamanza amaze gutanga umwanzuro ubogamiye uruhande rumwe, ku mwanzuro yometseho konti ya Gen Akok igaragaza ko yari afiteho 260,000$ abarirwa mu 900,000 by’Amashilingi ya Uganda.

[xyz-ihs snippet=”google-pub”]

Aya mafaranga rero ngo nyuma yoherejwe kuri konti ya Nkurunziza ndetse nyuma ngo agabanwa n’impande zitandukanye.

Iyi nkuru ikomeza ivuga ko uwo mucamanza yanatanze uburenganzira bwo kubikuza miliyoni 100 z’amashilingi kuri konti ya Gen. Akok ariko ubuyobozi bwa banki bukabimenyesha Gen Akok mbere y’uko abikuzwa agahita yitambika icyo cyemezo abinyujije kuri ambasade na banki nkuru ya Uganda.

Akok yanahise yihutira kugera I Kampala ngo amenye ukuntu amafaranga ye yakuwe kuri konti ye, abwirwa ko yananiwe kwishyura miliyari y’amashilingi y’umwenda yari arimo, atungurwa no kumva uyu Nkurunziza ayamwishyuza.

Mu magambo ye, Gen Akok ati: “Nta muntu nzi muri Uganda witwa Nkurunziza kandi sinigeze ngura imashini iyo ari yo yose igura miliyari muri Uganda kandi ikiyongereye kuri ibyo nta business yo gusya nkora.”

Akok yahakanye ko hari amasezerano yagiranye na Nkurunziza, maze impuguke ziza gusanga n’umukono w’intoki wakoreshejwe muri ayo masezerano atari uwe igipolisi nyuma gita muri yombi Nkurunziza ngo iperereza rikomeze.

Icyo igipolisi kibivugaho

Ubwo yabazwaga n’abanyamakuru, SSP Olal Johnson, ukuriye iperereza ry’igipolisi cya kampala, yemeje amakuru y’ifatwa rya Nkurunziza.

Yagize ati: “Nkurunziza afashijwe n’umunyamategeko we, abayobozi mu rukiko n’abayobozi ba banki babikuje miliyoni 900 kuri konti ya Akok bakoresheje amasezerano atarabaye.” Yongeyeho ko Akok atabimenyeshejwe amafaranga akurwa kuri konti ye.

SSP Olal yongeyeho ko amategeko avuga ko nyiri konti agomba kumenyeshwa mbere y’igikorwa kuri konti ye haba hari icyemezo cy’urukiko cyangwa ntacyo.

Yakomeje avuga ko igipolisi gikomeje iperereza ku bayobozi ba banki n’uwo muvcamanza mu rukiko rukuru, ndetse Nkurunziza akaba agomba gusubiza ayo mafaranga cyangwa agasobanura uruhare rwe muri ibi bintu.

Kanda hano ujye ubona amakuru yihuse kandi kugihe kuri Facebook no kuri twitter

Nsengiyumva Philippe@Bwiza.com

Advertisement
2 Comments

Leave a Reply

Your email address will not be published. Required fields are marked *