Connect with us

Iyobokamana

Ugomba kumenya inkomoko y’ ibihome n’ ingaruka zabyo ndetse n’ uburyo wabisenya- Pst. Deo Muvunyi

Published

on

Pst. Deo Muvunyi wo mu ‘Itorero Potter’ s Hand’ yongeye gushimangira ku nyigisho zo gusenya ibihome mu buzima bw’ abizeye ubwo yavugaga ko kugirango umukristu akubite hasi ibinyoma agomba kumenya uburyo byubatse.

Ati “Umuvumo ni igihome tugomba kwibaza impamvu twemera ko byubakwa mu buzima bwacu kugirango tunamenye inzira byacamo mu kubisenya”.

Pst. Muvunyi yifashishije amagambo y’ ubwenge yanditswe muri Yosuwa 9:1…,yerekana uburyo Satani atajya yifuza ko abana b’ Imana bagera iyo bajya ndetse akaba atanishimira agakiza kabo.

Yagize ati “Satani azi amategeko kandi afite amayeri menshi niyo mpamvu mu kuyobya abana b’ Imana (abakijijwe) yifuza kugirana nabo igihango(alliance) nk’ uko bayagirana n’ Imana biciye mu kwizere Yesu Kristu nk’ umukiza”.

Aha, Pst. Muvunyi yigishije yerekana uburyo Abagibewoni baje gutakambira Yoshuwa bamusaba kugirana nawe igihango bitewe ni uko bari bazi neza ubutwari yakoze.

[xyz-ihs snippet=”google-pub”]

Aba Bagibewoni bahimbye ubwenge muntu butari buvuye mu ijuru(ikinyoma) bumvisha Yoshuwa uburyo bavuye kure, bikoreye uducuma, udusaho dushaje banambaye inkweto zashize n’ imyenda y’ ubushwambagara ndetse banafite imitima yaguye uruhumbu.

Ati “Aba bantu nta kindi bashakaga usibye kwerekana ko bagowe kandi ko bavuye kure cyane, ibi ibyose n’ ibinyoma bya Satani kuko mwibuke ko kera abantu banywanga amaraso nk’ ikimenyetso cy’ igihango na Satani nawe aba yifuza icyamuha uburengenzira ku buzima bw’ umukristu”.

Pst, Muvunyi akomeza avuga ko iyo umukristu atitonze ashobora gusang isi yaramwivanzemo agendeye ku cyemezo cya Yoshuwa wemeye kugirana igihango n’ abanyamahanga atabajije Imana ahubwo yarebesheje amaso ye bituma we n’ abandi bakuru bashyira umukono ku masezerano.

Ati “Wowe murukore ntukagirana n’ umuntu wese amasezerano kandi ntukemezwe n’ ibiryo umwanzi akuzaniye cyangwa cheque y’ amafaranga(ruswa)”.

2 Samweli 21:1…, Ingaruka z’ amasezerano

Kuri iyi ngingo, Pst.Deo Muvunyi yatanze urugero rw’ uburyo nyuma y’ imyaka 400, Sauli yaje kwica Abagibewoni binyuranye n’ amasezerano bari baragiranye na Yoshuwa bituma ku ngoma ya Dawidi Isirayeli yamaze imyaka 3 mu nzara ya kataraboneka.

Icyo gihe Dawidi yafashe inzira ajya kuvugana n’ Imana, imusubiza ko Isirayeli irikuzira ibyo umwami Sawuli yakoze.

Pst. Muvunyi yahise atanga ingero z’ abantu baba ibicibwa muri sosiyete bitewe na karande ziwabo kandi mu by’ ubukuri barenganya.

Ugasanga umwana avutse agasanga bivugwa ko iwabo barogaga, baraguzaga, barabeshyaga, bateraga umwaku cyangwa se bakoraga imirimo y’ imirimo isaba imbaraga nyinshi nko kwasa inkwi nawe akagendera kuri ayo masezerano.

[xyz-ihs snippet=”google-pub”]

Yahise abisanisha n’ uburyo Sawuli yishe amasezerano Yoshuwa yari yagiranye n’ Abagibewoni n’ ubwo bari bamubeshye ntiyabishe ahubwo yabagize abacakara kuko bari bashinzwe kuvoma no kwasa inkwi.

Kugirango Dawidi arengere Isirayeli Imana yamutegetse kumena amaraso y’ abuzukuru ba Sauli ariko akizamo umwe yibutse amasezerano.

Kanda hano ujye ubona amakuru yihuse kandi kugihe kuri Facebook no kuri twitter

Gaston Rwaka/Bwiza.com

Advertisement
TANGA IGITEKEREZO

Leave a Reply

Your email address will not be published. Required fields are marked *