Connect with us

Amakuru

Uganda: Abakozi b’urwego rw’abinjira n’abasohoka mu mazi abira nyuma yo kunyuzwaho intwaro n’Umunyamerika

Published

on

Igipolisi cya Uganda cyatangiye gukora iperereza ku mikorere y’urwego rushinzwe abinjira n’abasohoka yaba yaratumye Umunyamerika yinjirana mu gihugu imyambaro, intwaro n’amasasu  by’igisirikare cya Leta Zunze Ubumwe za Amerika.

Paul Mathias Rogers w’imyaka 57 akaba aherutse gutabwa muri yombi muri weekend ishize akuwe iwe mu gace ka Bwebajja ku Muhanda wa Entebbe nyuma y’uko igipolisi kimenyeye ibye nyuma yo gushyirwa hanze n’umugore we ku mbuga nkoranyambaga.

Mu kugera aho yari atuye, igipolisi cyahasanze impuzankano y’igisirikare cy’abanyamerika (uniform), imbunda, amasasu, ibyuma n’ibindi, ahita atabwa muri yombi kuri ubu akaba afungiye kuri polisi ya Nalufenya aho akomeje guhatwa ibibazo.

Iperereza ry’ibanze nk’uko tubikesha urubuga rwa Spyreports, rigaragaza ko usibye no kuba izo ntwaro n’impuzankano byarinjiye mu buryo bunyuranyije n’amategeko, byaranyuze no ku Kibuga cy’Indege Mpuzamahanga cya Entebbe.

Mathias Rogers ashinjwa n’umugore we kumuhohotera bikabije

Umuvugizi w’igipolisi, Emilian Kayima, aravuga ko uwo ari we wese mu rwego rushinzwe abinjira n’abasohoka wagombaga kubona izo mbunda ariko ntazibone cyangwa akareka zikinjira agomba gutanga ibisobanuro.

Uganda: Mu rugo rw’uwahoze mu ngabo za Amerika hafatiwe ibikoresho bya gisirikare yari atunze rwihishwa

Kuri ubu, Paul Mathias Rogers, wahoze mu ngabo za Leta Zunze Ubumwe za Amerika, arimo gukorwaho iperereza ku byaha byo gucuruza intwaro, iterabwoba no gutunga intwaro mu buryo bunyuranyije n’amategeko.

Amashusho ya video agaragaramo umugore wa Rogers witwa Lillian Kaitesi, yakwirakwiye ku mbuga nkoranyambaga ashinja umugabo we kumukorera iyicarubozo, ndetse ngo yanabimenyesha polisi ntigire icyo ikora, anahishura ko anatunze imbunda mu rugo.

Aya makuru akaba ari yo polisi yashingiyeho ikurikirana Rogers atabwa muri yombi.

 

Kanda hano wiyandikishe ( Subscribe) ubona ibiganiro, indirimbo kandi bishya mu mashusho

Advertisement
TANGA IGITEKEREZO

Leave a Reply

Your email address will not be published. Required fields are marked *