Bwiza.com

Iburengerazuba: Abikorera bagabiye inka 60 abarokotse Jenoside nâ€™abamugariye ku rugamba batishoboye

Eric Marshall Koffito — 2024-04-26T17:19:23Z

Urugaga rwâ€™abikorera mu ntara yâ€™iburengerazuba rwagabiye imiryango 60, yiganjemo iyâ€™abarokotse jenoside yakorewe Abatutsi batishoboye, nâ€™imiryango yâ€™abari abasirikari bamugariye ku rugamba rwo kubohora Igihugu batishoboye.

Ibi byagarutsweho mu muhango wo Kwibuka abikorera bazize Jenoside yakorewe Abatutsi ku nshuro ya 30 muri iyi ntara yâ€™iburengerazuba.

Ni igikorwa cyabereye mu karere ka Rusizi, Umurenge wa Gashonga, akagari ka Karemereye ho mu mudugudu wa Mibirizi, ahasanzwe hubatswe na paruwasi gaturika ya Mibirizi yaguyemo abatutsi benshi.

Muri uyu muhango kandi hanenzwe abikorera bijanditse mu bikorwa bibi bya Jejnoside byo kurimbura Abatutsi bagenzi babo bari basanzwe bakora akazi kamwe.

Mu bagarutsweho bakoreraga ubucuruzi mu i santere yâ€™ubucuruzi ya Mibirizi, hari umushoramari witwaga Bandetse Eduard na Munyakazi Yussuf wari uhagarariye interahamwe mu gice cya Bugarama kubera uruhare rwabo mu kwica abatutsi bari bahungiye i Mibirizi.

Umuyobozi wâ€™Urugaga rwâ€™Abikorera mu ntara yâ€™Iburengerazuba, Nkurunziza Ernest, avuga ko igikorwa cyo kuremera abarokotse Jenoside yakorewe Abatutsi ari umusanzu wabo mu kubaka Igihugu.

Ati â€œAbikorera tugomba kwitandukanya ni ibikorwa bibi byaganishije kuri Jenoside, byijanditswemo na bamwe mu bikorera batanahwemye kwica bagenzi babo bakoraga akazi kamwe, kuko biteye ipfunwe kuba umucuruzi yakwica abari abakiriya be, ndetse turacyishimira kuba hari abikorera bagize abo barokora. Twe ikitruraje inshinga ni ukugoboka no gufasha Abarokotse Jenoside batishoboye, tutibagiwe ni abari ingabo bamugariye ku rugamba.â€

Akomeza avuga ko urugendo rwâ€™imyaka 30 rwo kwiyubaka rwagaragaje ko abikorea bigishijwe ibyiza, kuri ubu icyo baharaniye ari ukwimakaza ubumwe bwâ€™abanyarwanda kandi ari nako bashyira imbaraga mubyo bakora ngo batere imbere nâ€™Igihugu nacyo gitere imbere.

Guverineri wâ€™intara yâ€™iburengerazuba, Dushimimana Lambert avuga ko abikorera bakwiriye kuba ikinyuranyo bafatanya na Leta mu bikorwa byâ€™iterambere.

Ati â€œAbikorera twabasabye kuba ikinyuranyo mu kubaka no gusana Igihugu, kuko bafatanya na Leta mu bikorwa byinshi byâ€™iterambere nâ€™imibereho myiza yâ€™abaturage, twishimiye ko baremeye abarokotse Jenoside yakorewe Abatutsi Atari uko bafite amafaranga amafaranga menshi, ahubwo babikomora ku miyoborere myiza.â€

Akomeza anenga abikoreraga mu myaka yatambutse bari mu miyoborere mibi bakijandika muri Jenoside, agahamya ko abikorera kuri ubu bakorana bya hafi nâ€™Ubuyobozi.

Ubwicanyi bwakorewe i Mibilizi bwari ndengakamere

Mu buhamya bwatanzwe nâ€™umwe mu barokokeye i Mibilizi, yagarutse ku kaga gakomeye abari bahahungiye bahuye na ko ku matariki ya 18, iya 20 nâ€™iya 30 Mata 1994, aho yavuze ko ku itariki ya 18 ari bwo ibitero bikomeye byateye abatutsi bari bahahungiye, bikagota Kiliziya nâ€™inzu zâ€™abapadiri zose, ahari hihishe abatutsi maze barabica bakoresheje intwaro gakondo, amasasu na za gerenade ari ko banasahura amatungo nâ€™ibintu byabo.

Mbere yâ€™iyo tariki abatutsi bari babanje kwirwanaho cyane bakoresheje amabuye, babasha gusubiza inyuma ibyo bitero, ari bwo bize amayeri yo kuzana intwaro zikomeye nâ€™abicanyi benshi.

Ibyo bitero byo ku itariki ya 20 Mata byishe abantu benshi cyane ku buryo iminsi ibiri nyuma yaho ku itariki ya 20 bagarutse abari barokotse ntibashobora kwirwahano kubera ko bari bashegeshwe, ahubwo abicanyi baraje batoranya nta mususu abo bashaka bose biganjemo abâ€™igitsina gabo bajya kubicira imbere ya Kiriziya hafi yâ€™amashuri abanza ahari ari naho hubatswe urwibutso rwa Mibirizi.

Ubundi bwicanyi bukomeye bwabaye ku itariki ya 30 Mata 1994 bukoze nâ€™interahamwe zo mu Bugarama zari ziyobowe na Munyakazi Yusufu, Icyo gihe bivugwa ko Yusufu yari mu nzira ajya gutanga umuganda wo kwicwa Abatutsi bo mu Bisesero ku Kibuye, baje ku gicamunsi bahasanga inkomere nyinshi, batoranyamo abahungu nâ€™abagabo bari bagikanyakanya maze babicira imbere ya Kiriziya.

Abarokotse icyo gitero ni abari babimenye mbere gato yâ€™uko Yusufu ahagera maze bajya kwihisha mu bihuru byo mu nkengero. Muri make uwo munsi harokotse gusa abarwayi, inkomere nâ€™abagore mbarwa.

Ubwicanyi bwakorewe abatutsi i Mibilizi bwakoze nâ€™abaturutse imihanda yose ya Komini Cyimbogo, baba aba hafi ndetse nâ€™abavuye kure ya Mibilizi (Mururu, Winteko, Rukunguri, Gashonga, Nyakabuyeâ€¦). Bwahagarikiwe na Bandetse Edouard wari umucurizi ukomeye, Somayire Celestin wari warigize Burugumesitiri, uwitwa Mugarura na Dominiko bari baravuye mu gisirikari bakaba bari batunze imbunda, Munyoni Jean Marie Vianney wari umupolisi wa Komini Cyimbogo wari utunze imbunda na we, abategetsi bo mu nzego zitandukanye bariho icyo gihe, abari abaganga, abarimu, abacuruzi bakomeye nâ€™abandi.

Urwibutso rwa Mibirizi ruruhukiyemo imibiri 14,289, biganjemo abakomokaga muri aka gace ka Mibirizi no mu bice biyikikije.

Guverineri wâ€™intara yâ€™iburengerazuba, Dushimimana Lambert avuga ko abikorera bakwiriye kuba ikinyuranyo bafatanya na Leta mu bikorwa byâ€™iterambere

Mu nka 60, Uurugaga rw'abikorera mu ntara y'iburengerazuba bagabiye iyi miryango, ku ikubitiro 20 bo mu karere ka rusizi bazitahanye, izindi zisigaye zikazatangwa mu tundi turere

RDC: Muri iyi mpeshyi dipolomasi ishobora kwamburwa ijambo rigahabwa intwaro

Denis Nsengiyumva — 2024-04-26T11:23:34Z

Iyi mpeshyi iri imbere ngo ishobora kuzakamo umuririo hagati yâ€™impande zihanganye mu burasirazuba bwa Repubulika ya Demokarasi ya Congo nkâ€™uko byemezwa nâ€™umwe mu babaye minisitiri wemeza ko Isi igiye kurushaho guhuga ku buryo nâ€™ibyabuzaga ibintu kurushaho kuba bibi bigiye kubura ijambo rigahabwa intwaro, dipolomasi ikaryamburwa.

Abakada bashya 8000 ba Alliance Fleuve Congo baherutse kuva Nyongera berekeza i Rutshuru-centre, muri Kivu yâ€™Amajyaruguru. Inyuma yâ€™umuhuzabikorwa nâ€™abayobozi ba AFC, hashyizweho urwego rugizwe nâ€™abo bantu bagiye guhuza abatavuga rumwe nâ€™ubutegetsi bwa Perezida wa Repubulika ya Demokarasi ya Congo, FÃ©lix Tshisekedi.

Ni Ubukangurambaga bwagerageje kwerekana ubukangurambaga nâ€™ubushobozi bwa AFC bwo gukusanya abantu bangana gutyo ku butaka bugenda burushaho kuba ingirakamaro.

Bose bafite umunaniro utagira amakemwa, utandukanye nâ€™imyenda yâ€™abasirikare ba Kongo, "aba bakada bahawe amahugurwa ya politiki na gisirikare yâ€™ibyumweru byinshi", nk'uko byatangajwe na Corneille Nangaa ukomeje kugaragara mu bitangazamakurukandi anasura uduce dutandukanye tugenzurwa na M23 yitegura kwizihiza imyaka 2 ishize ifashe umujyi wa Bunagana uri ku mupaka na Uganda.

â€œUbuzima bwa buri munsi butihanganirwaâ€

Uru rugendo rwatumye bishoboka kwerekana intwaro nshya ubu ihuriro rya AFC rimaze igihe ku marembo yâ€™Umujyi wa Goma, rifite.

Jean-Paul M., uri mu myaka mirongo ine wize amashuri makuru mu Bubiligi mbere yo gusubira mu gihugu cye mu myaka 15 ishize, abisobanura agira ati: â€œUyu munsi, Goma ni umujyi utuwe na miliyoni 2 hamwe n'impunzi zose zahungiye hanoâ€ . Yabishimangiye agira ati "umutekano muke uraganje hano. Mu mujyi rwagati, ku manywa, buri wese ajya mu bikorwa bye hafi nkâ€™ibisanzwe. Nimugoroba, abantu bose barikumira, ariko uko wegera ku mpera z'umujyi, ni ko umutekano muke n'ihohoterwa bigenda bigaragara. â€

Undi muturage wa Goma akomeza avuga ati: â€œBuri joro, ni ukurasa. Ufite abasirikare badahembwa ariko bakaba bafite imiterere myiza. Ufite kandi wazalendo (abakorerabushake) bahora bitwaje imbunda kandi bamenyereye kubaho mu busahuzi no kunyaga. Ongeraho abacanshuro bâ€™abazungu nâ€™abaturage baharanira kubaho mu mujyi aho ibiciro byose byatumbagiye, aho ibintu byose bitumizwa muri Tanzaniya, Kenya, u Rwanda. Nibikomeza gutya, M23 na Nangaa bazakirwa neza nâ€™abaturage barambiwe ubu buzima bwa buri munsi. â€

Abantu bose baganiriye na La Libre Afrique dukesha iyi nkuru, bose bashimangira â€œkuburaâ€ cyangwa â€œgutsindwa kwa Letaâ€ muri Goma. â€ Ibintu byose bicungwa n'imiryango itegamiye kuri Leta, â€ nk'uko bisobanurwa n'undi muturage wa Goma urangijeâ€œ amahugurwa ku bijyanye no kubyaza umusaruro amazi n'imicungire yayo muri Goma yatanzwe na Croix-Rouge. Leta ntayihari rwose, abantu baratereranywe. Kubera ingorane zo kubaho, bamwe mu Banya Goma bagerageza kwiyandikisha mu nkambi zashyizweho kugira ngo zakira impunzi. Iyo babigezeho, baba bizeye ko nibura babona akarasiyo gato kâ€™ibyo kurya ku munsi. â€

â€œIyi mpeshyi ishobora kuba umuriro muri DRCâ€

Iki kinyamakuru gisanzwe ari ishami rya La Libre Belgique, gikomeza kivuga ko ku rugamba rwa gisirikare, hagaragara umutuzo ariko nta kimenyetso cy'ibiganiro kigaragara hagati y'inyeshyamba za M23 zibarizwa muri AFC n'abayobozi bâ€™i Kinshasa. FÃ©lix Tshisekedi akomeje kwerekana M23 (dore ko ngo atajya avuga Alliance Fleuve Congo) nkâ€™Ingabo zâ€™u Rwanda.

Ku ruhande rwarwo, u Rwanda ruhakana rwivuye inyuma kugira uruhare mu bibera mu burasirazuba bwa Congo, ahubwo rukagaragaza impungenge rutewe nâ€™umubano uri hagati ya FARDC nâ€™umutwe wa FDLR ugizwe nâ€™inyeshyamba zâ€™Abanyarwanda zishinjwa uruhare muri Jenoside yakorewe Abatutsi, ndetse zifite umugambi wo kugaruka kuyikora.

Uyu mutwe wa FDLR kandi uvugwa mu bufatanye nâ€™Ingabo za FARDC mu guhiga no kwica Abatutsi bâ€™Abanyekongo, kandi Abanyarwanda ntibaribagirwa amagambo Perezida Felix Tshisekedi aherutse gutangaza yiyamamaza mu mpera zâ€™umwaka ushize.

Umwe muri ba minisitiri wo muri Togo uherutse I Buruseli avugana nâ€™iki kinyamakuru yagize ati â€œPerezida Kagame ntiyibagiwe imvugo ya mugenzi we wa Congo mu gihe cyo kwiyamamaza mu matora ya Perezida mu Kuboza gushize. FÃ©lix Tshisekedi yakangishije gutera Kigali, yasabye ko ubutegetsi bw'u Rwanda buhirikwa kandi agereranya Perezida w'u Rwanda na Hitler. â€

Muri urwo rwego, ngo biragoye gutekereza ko igisubizo cya diplomasi cyatangira gushakwa. By'umwihariko kubera ko inyeshyamba na Kinshasa basa n'abari mu bikorwa byo kongera intwaro nâ€™ingabo, ibishobora guturikamo ikindi kintu gikomeye muri Kivu mu byumweru biri imbere cyangwa amezi.

Uwahoze ari minisitiri muri Congo abisobanura agira ati: â€œBimaze kwica byinshi muri Goma. â€œTugomba gutegereza impeshyi izarushaho kuba mbi. U Burayi burangariye kuri Ukraine nâ€™amatora yâ€™i Burayi, Amerika mu Burasirazuba bwo Hagati nâ€™amatora ya perezida. Inzitizi zari zihari zigiye kubura. Ijambo rizahabwa intwaro. Umuntu wese ashobora gusubiramo ko igisubizo ari icya diplomasi, niba nta bushake bwa politiki cyangwa icyifuzo nyacyo cyo koroshya ibintu, Congo igiye kugonga urukuta. â€

Gahunda y'u Bwongereza yo kohereza abimukira mu Rwanda ntacyo imaze: Macron

BABOU BÃ©njamin — 2024-04-25T19:01:15Z

Perezida Emmanuel Macron wâ€™u Bufaransa kuri uyu wa Kane yanenze gahunda y'u Bwongereza yo kohereza abimukira mu Rwanda, ayigaragaza nk'urwenya ndetse n'idafite umumaro.

Macron yabitangarije muri Kaminuza ya Sorbonne y'i Paris aho yari kuri uyu wa Kane.

Yagize kandi ati: "Ntabwo nizera imiterere yo gushaka igihugu cya gatatu ku mugabane wa Afurika cyangwa ahandi hose ku Isi, twohereza abantu bagera ku butaka bwacu ku buryo budakurikije amategeko batavuye muri ibyo bihugu."

Ku bwa Perezida w'u Bufaransa, ibyo u Bwongereza buri gukora "ni ukugambanira indangagaciro z'umuryango w'Ubumwe bw'u Burayi".

Yavuze kandi ko ibiri gukorwa "nta mumaro bifite" kandi ko ari ibintu bikomeye kuri ejo hazaza h'uriya muryango.

Macron yatangaje ariya magambo mu gihe ku wa Kabiri w'iki cyumweru abadepite bo mu nteko ishinga amategeko y'u Bwongereza batoye itegeko riteganya ko abasaba ubuhungiro badafite ibyangombwa boherezwa mu Rwanda aho bazabusabira.

Kuri uyu wa Kane Umwami Charles III w'u Bwongereza yemeje umushinga w'iriya gahunda yo kohereza abimukira mu Rwanda, ashingiye ku masezerano Guverinoma zâ€™ibihugu byombi zagiranye mu Ukuboza 2023.

Ibi bivuze ko u Bwongereza bwemerewe gutangira gushyira mu bikorwa iyi gahunda, kuko yamaze kuba itegeko.

Iri tegeko ni ingenzi cyane kuri Ministiri wâ€™intebe wâ€™u Bwongereza, Rishi Sunak, wifuza ko ibyo kohereza abimukira mu Rwanda byagerwaho mbere yâ€™amatora yimirije mu mezi ari imbere.

U Bwongereza busanzwe bwishyura u Bufaransa amafaranga afasha gucunga umutekano wo ku nyanja hagamijwe gukumira ingendo zâ€™ubwato buto bushyira abimukira mu kaga mu gihe bukoze impanuka.

Minisitiri w'Intebe, Rishi Sunak biciye mu muvugizi we, yateye utwatsi ibyatangajwe na Macron avuga ko gahunda u Bwongereza bwafashe ari bwo buryo bwiza bwo gukemura ikibazo cy'abimukira.

Yunzemo ati: "Ku bijyanye no guca ukubiri n'agatsiko kâ€™abagizi ba nabi (binjira mu Bwongereza mu buryo butemewe), tuzakenera ingamba zikarishye. Turasobanura neza ko uzaza hano mu kato gato wese atazashobora kuhaguma. Ni bwo buryo tuzasenyamo ruriya rucuruzo. Kandi mu byukuri, twabonye abandi bafatanyabikorwa ndetse n'ibindi bihugu ku isi bashakisha inzira nk'izo."

Undi wamaganiye kure ibyatangajwe na Perezida w'u Bufaransa ni Umunyamabanga wa Leta y'u Bwongereza ushinzwe Ubutegetsi bw'igihugu.

Tom Cleverly yagaragaje ko gahunda yo kohereza abimukira mu bindi bihugu atari nshya.

Ati: "Buri gihe twitabaza ibihugu bya gatatu. Si ibintu bishya. Iyo ni yo mpamvu nagiye mu Butaliyani. Tunakorana n'u Bufaransa. Ku gice kinini twishingikiriza u Bufaransa kandi ni igihugu cya gatatu, twitabaza Abafaransa. Bakorana natwe, dukorana bya hafi".

Minisitiri Cleverly yunzemo ko kuba ikibazo cy'abimukira ari ikibazo cyo ku rwego mpuzamahanga bisobanuye ko kinagomba guenera igisubizo mpuzamahanga.

Tshisekedi wahushije Nangaa mu mugambi wo kwivugana abakuru ba AFC/M23

BABOU BÃ©njamin — 2024-04-25T15:32:27Z

Ubutegetsi bwa Repubulika Iharanira Demokarasi ya Congo buravugwa mu mugambi wo kugerageza kwivugana Corneille Nangaa wahoze ari Perezida wa Komisiyo y'Amatora muri kiriya gihugu n'abakuru b'umutwe wa M23 yihuje na wo.

Mu mwaka ushize wa 2023 ni bwo uyu mugabo yahuje amaboko na M23 nyuma yo gushingana n'abayobozi b'uyu mutwe ihuriro bise Alliance Fleuve Congo (AFC).

Ni ihuriro Nangaa ubwe yakunze kuvuga ko rigamije kuvana ku butegetsi Perezida Felix Antoine Tshisekedi, ibyatumye Kinshasa irifata nk'umutwe w'iterabwoba kuri ryo. Ni Nangaa wahisemo kuyoboka inzira yo kurwanya Tshisekedi byeruye, nyuma y'igihe yari amaze atangaza ko uyu mugaabo yagiye ku butegetsi abifashijwemo n'amasezerano yabanje gusinyana na Joseph Kabila yasimbuye.

Mu kwezi gushize ubwo uyu mugabo yaganiraga n'abaturage bo mu mujyi wa Kitshanga, yabijeje ko umutwe wa M23 uteganya gufata imijyi irimo uwa Goma na Bunia wo mu ntara ya Ituri, mbere yo kujya kwirukana Tshisekedi i Kinshasa.

Kuri ubu AFC ikomeje kureshya benshi mu badashyigikiye ubutegetsi bwa Tshisekedi bakomeje kuyiyungaho, barimo n'abahoze ari inkoramutima z'uyu Perezida wa RDC mbere yo kumwiyomoraho.

Amakuru kuri ubu avuga ko Leta ya Congo itewe impungenge no kuba AFC ikomeje kunguka ku bwinshi amaboko mashya, ibyatumye inzego z'umutekano zayo zifata icyemezo cyo gucungisha ijisho uwo ari we wese zidashira amakenga by'umwihariko abayoboke b'impuzamashyaka FCC ya Joseph Kabila.

Africa Intelligence ivuga kuba AFC ikomeje kunguka amaboko mashya ikindi ikaba ifite gahunda yo gukomeza kwigarurira uduce dutandukanye byatumye Tshisekedi abona ko ibintu bikomeye, ibyatumye mu minsi ishize akoranya abayobozi barimo n'ab'imitwe yitwaje intwaro ikorera muri Ituri ngo bamufashe kwivuna M23.

Kinshasa ifite gahunda yo kwivugana Nangaa n'ibyegera bye ku kiguzi icyo ari cyo cyose

Amakuru kandi avuga ko Tshisekedi amaze igihe afite gahunda yo kwivugana abayobozi bakuru ba AFC, ku buryo yanasabye ubufasha mu bihugu byo mu karere RDC iherereyemo.

Africa Intelligence ivuga ko kuri ubu Tshisekedi asigaye afata Nangaa nk''icyihebe kigomba kwicwa".

Iki gitangazamakuru kivuga ko mu mpera za 2023 Tshisekedi yahawe amakuru y'ubutasi y'uko Nangaa yari imwe muri Hoteli zo mu mujyi wa Rutshuru, ibyatumye ahita atanga itegeko ryo kumugabaho igitero na drone akicwa.

Ni operasiyo cyakora yaje gupfuba nyuma yo gusanga kurasa Nangaa bishobora kwangirikiramo n'ibindi bintu, by'umwihariko abasivile bashoboraga kwicwa.

Icyakora amakuru avuga ko n'ubwo uyu mugabo yawusimbutse uwo munsi we na bagenzi be bagihigishwa uruhindu n'inzego z'umutekano za RDC, ku buryo zanamaze gutanga urutonde rw'amazina yabo mu bihugu byo mu karere.

Kugeza ubu Eric Nkuba wahoze ari umuyanama wa Nangaa ni umwe mu bashakishwaga wamaze gufatwa, nyuma yo gufatirwa i Dar es Salaam muri Tanzania muri Mutarama uyu mwaka mbere yo koherezwa i Kinshasa.

Ku wa 18 Werurwe Corneille Nangaa yandikiye ibaruwa Perezida Samia Suluhu wa Tanzania yamagana ifatwa rya Nkuba anamusobanurira umushinga AFC ifite, gusa kugeza ubu Perezidansi ya Tanzania ntiramusubiza.

Ni Tanzania isanzwe iri mu bihugu bitamushyigikiye kuko iri mu byohereje muri RDC ingabo zo kurwanya M23 biciye mu butumwa bw'umuryango wa Afurika y'Amajyepfo (SADC). Ingabo za Tanzania zifatanyije n'iz'ibihugu birimo Malawi, Afurika y'Epfo n'u Burundi zisanzwe zifasha iza RDC ku rugamba.

Umunsi Museveni yari agiye kurasa Gen Sejusa azira umugore

Denis Nsengiyumva — 2024-04-25T10:05:34Z

Mu gihe cyâ€™intambara yâ€™ishyamba ya NRA, Gen David Sejusa (bitaga Tinyefunza) yamaze amezi 7 afunzwe (mu ndaki) ahanini kubera ukuntu atagiraga ubwoba bwo kuvuga icyo atekereza igihe cyose yumvaga Umuyobozi mukuru, Gen. YK Museveni yakoze nabi.

Ahagana mu mpera z'umwaka wa 1983, abayobozi bâ€™ingabo za Obote, UNLA, bitwaye neza ku rugamba maze batsinda inyeshyamba za NRA za Museveni. Hanyuma, Ubuyobozi bukuru bwâ€™ingabo, bwari urwego rukuru rufata ibyemezo mu bikorwa bya gisirikare, rwemeje ko kugira ngo bihishe neza, abagore bose batari abarwanyi bagomba kuva mu nkambi za NRA bagasubira mu ngo zabo.

Ibi byari bivuze ko abarwanyi bose b'igitsina gabo inshuti zabo n'inshoreke zabo bagombaga kubamburwa. Ikibazo ariko cyaje kuvuka ubwo habagaho umwihariko kuri Salim Saleh na Pecos Kutesa, aho bo bagumanye nâ€™abakunzi babo, Jovian na Dora.

Gen Tinyefunza yabifashe nkâ€™akarengane kandi asanga bidakwiye kwemerwa, akangurira bagenzi be, na bo batunguwe kimwe na we, kurwanya byimazeyo amabwiriza mashya ndetse bakayatesha agaciro. Yari afite umukobwa wâ€™inshuti ye wahoze ari uwa Afande Julius Aine kandi yari mu bagombaga kugenda hakurikijwe amabwiriza mashya.

Tinyefunza, na we ubwe yari umwe mu bagize Ubuyobozi Bukuru, yemeje ko aya mabwiriza yari akakaye kandi agaragaza '' gutonesha no gushyira ku ruhande bagenzi babo 'byakorwaga nâ€™umuyobozi wa High Command, Gen YK Museveni. Yavuze ko Gen Museveni yarushagaho kuba umunyagitugu kandi abarwanyi benshi bakaba baracitse intege. Yasabye ko hakurikizwa amategeko kuri bose kandi abarwanyi bose bagafatwa kimwe.

Amaherezo, Tinyefunza yahamagawe na Museveni maze ahatirwa gusaba imbabazi imbere y aba ofisiye bato nâ€™abarwanyi kubera umwuka mubi wo kwigomeka yari yateje mu nkambi za NRA.

Maj John Kazoora, we ubwe warwanye mu ntambara yâ€™ishyamba ya NRA ufite ibitekerezo byinshi bitavugwaho rumwe kuri Gen Museveni, mu gitabo cye â€œBetrayed by My Leaderâ€ avuga ko mu rwego rwo guca intege Tinyefunza, Museveni yarenze ku mabwiriza ye bwite yo kutigaragaza (abuza kugendana ku manywa intwaro) hanyuma azana imbunda ya LMG (Light Machine Gun) yiyemeje kuvuna amaguru David Tinyefunza kubera imyitwarire ye yitaga mibi.

Museveni yashimangiye ko igihe kigeze kuri we, nk'umuyobozi mukuru, kugira icyo akora kugira ngo amukubite ikinyafu kugira ngo abashe guhinduka no guhosha ubwigomeke bwatutumbaga hagati muri NRA.

Hari nko muri Nzeri 1984 ubwo Tinyefunza, wari ugikira ibikomere by'amasasu UNLA yari yamurashe mu ntambara ya Katiti, yaburanishijwe ahamwa n'icyaha cyo kwitwara nabi. Yafungiwe mu ndaki aho yagombaga kuguma afunzwe kugeza muri Werurwe 1985.

Iki gihano gikomeye cyagaragaje kure YK Museveni, Umuyobozi mukuru, yari yiteguye kugera mu gushyira ikinyabupfura mu mutwe we w'inyeshyamba wari mu ntambara irwanya leta. Tinyefunza, waje kuvurwa na Dr. Kizza Besigye wanavuye mbere ye Gen. Saleh, yahise yoherezwa guhangana na UNLA i Katiti kugira ngo asohoze inshingano Umuyobozi mukuru yari yamuhaye we na Julius Kihanda.

Amabwiriza ya Museveni kuri Tinyefunza na Kihanda yari asobanutse: genda wirukane abarwanyi ba UNLA bari bakambitse mu buryo bwâ€™ubushotoranyi hafi yâ€™icyicaro gikuru cya NRA nyuma yâ€™urugamba rwateguwe kandi ruyoborwa nabi rwo ku itariki ya 21 Gashyantare 1983 mu ntambara ya Bukalabi, Gen Salim Saleh yakomerekeyemo bikabije.

Mu gihe Saleh yakomeretse ku maboko yombi, abarwanyi 11 ba NRA baguye mu muriro wâ€™umwanzi. Umunyamakuru wa Duetchwalle, Gen Museveni yari yazanye amukuye mu Budage kugira ngo yerekane kandi amenyekanishe iterambere rya NRA, na we yasuye inkambi za NRA muri icyo gihe cya Bukalabi. Rero, Tinyefunza na Kihanda bari bashinzwe gushikama no kuziba icyuho mu gihe Saleh yari arimo aroroherwa yitabwaho na Dr. Kizza Besigye.

Barasaba ko MINEDUC itangaza ingengabihe y'amashuri y'igihe kirekire kandi kare

BWIZA — 2024-04-24T07:14:04Z

Hambere nari kumwe n'umunyamahanga ahantu, maze tuvuze ku bantu bakora ibintu batunguranye, uwo munyamahanga avuga asa n'uninura ati "mu Rwanda ni ho hantu nabonye Minisiteri Ishinzwe Amashuri itangaza igihe amashuri azatangirira hasigaye icyumweru kimwe ngo amashuri atangire!"

Sinabyitayeho ako kanya ariko uko byangarukaga mu bitekerezo nakomeje kwibaza nti "Ese wa mugani kuba umuntu yamenya ingengabihe y'amashuri y'imyaka kare ni ibintu bitashoboka aho kubirwa italiki yageze, ubibwiwe nawe kandi akabifata nk'ibisanzwe"? Iki gitekerezo nanze kucyihererana nkiganiriza abandi babyeyi bafite abana mu mashuri cyane ko nanjye ndi we. Nabo babaye nk'abakangutse bati "wa mugani ibi bibananiza iki"?

Kuva mu myaka ibiri ishize, MInisiteri y'uburezi yerekana ingengabihe y'itangira ry'amashuri iba igizwe na gahunda y'umwaka wose. Igihembwe cya mbere n'igihe kizarangirira, igihembwe cya kabiri n'igihe kizatangirira gutyo gutyo gutyo. Ndetse inatangaza n'igihe ibizamini by'abanyeshuri bizakorerwa bigatuma mbese byaba ibigo, ababyeyi bamenya uko bategura gahunda zabo zijyanye n'imyigire. Iki ni igikorwa cyo gushimirwa. Birenze n'ibyo ariko Minisiteri biciye mu bigo bishamikiyeho nka REB inatangaza uko ingendo z'abanyeshuri zizagenda. Iki nacyo ni igikorwa cyo gukurirwa ingofero, kuko akajagari ko kujya no kuva ku ishuri kw'abanyeshuri karagabanutse. Abo twaganiriye baravuze bati "kuri iki cyo ni sawa rwose ni ibyo gushimirwa".

Gusa ariko barongera bati "niba igihugu nacyo gipanga imishinga y'igihe kirekire n'iyigihe kitari kirekire nikinafashe abaturage no gupanga nabo iby'igihe kirekire. Aho niho ibitekerezo bitangwa ukwinshi. Kuva ingengabihe y'amashuri yava ku kugendera ku mwaka usanzwe, igasubizwa ku gutangira mu kwa cyenda ikarangira mu kwa karindwi, biroroshye ubu kuba wapanga ibijyanye n'amashuri, itangira n'itaha ry'abanyeshuri mu gihe kirambye. Ibyo ari byo byose ibihe bishobora gutuma itaha n'itangira ry'abanyeshuri bisa n'ibigorana ni bibiri. Ni ukwibuka jenoside yakorewe abatutsi muri 1994, igihe kiba mu kwa kane n'igihe cya Paska. Cyane ariko kubera ko Paska itagira italiki izwi niyo ishobora gutera kuba ibiruhuko byaza imbere mu kwa gatatu cyangwa mu kwa kane. Ariko ibi nabyo biroroshye kuko ku ikoranabuhanga wabona Paska zoze zizaba mu myaka isigaye yose. Bivuze ko nabyo wabipangira bijyanye n'uko ibyo biruhuko biteye. Ibiruhuko bya Noheri bihora ari bimwe ndetse na nyuma y'uko abanyeshuri bavuye mu kiruhuko cya Paska kiba kirimo n'icyumweru cyo kwibuka, ubundi amashuri arakomeza nta kindi kiyatambamira.

Birashoboka rero cyane ko ingengabihe nibura y'imyaka itatu yatangwa ababyeyi bakaba bazi ngo abana bacu baziga kugeza muri icyo gihe mu buryo buteye butya. Ababyeyi benshi bigisha abana ababo batunzwe n'imishahara. Ubu buryo bufasha kuba wazigama uzi ngo nzasabwa ibingana gutya mu gihe runaka. Ndetse n'abashakana bakabyara babitekerejeho biroroshye ko bavuga bati "tubyaye iki gihe umwana wacu yazaba yatangira ishuri muri iki gihe yujuje imyaka ikwiriye (birumvikana byose biramutse byagenze neza mu rubyaro).

Igihe rero kirageze ngo Minisiteri y'uburezi itangire itegure ingengabihe z'amashuri z'igihe kigereranije, zifasha ababyeyi kwitegura mu bihe biri imbere ibibateganirijwe. Ibi kandi nkeka bidakomeye kuko niba ingengabihe y'umwaka ikorwa kandi igakurikizwa ari ndakuka, birashoboka ko n'iz'imyaka itatu nazo zakorwa. Birashoboka ko haba impinduka ku itangira ry'igihembwe runaka (kubera wenda gahunda zahinduka muri politiki y'igihugu), ariko ntibyahinduka byose.

Mugihe ibyo bigitekerezwaho ariko nk'uko wa munyamahanga yabivuze aninura, ni byiza ko hakiri kare, Minisiteri imenyesha ingengabihe y'umwaka utaha.Kugira gahunda, gupanga bikaba umuco ahao kugira ngo gutungurana ari byo biba umuco. Ese bitwaye iki mu kwa gatanu cyangwa bitarenze mu kwa gatandatu k'uyu mwaka, ingengabihe y'amashuri 2024-2025 ibaye izwi, ko bifasha ababyeyi ndetse n'amashuri ubwayo kwitegura mu buryo butandukanye? Byaba bitwaye iki se ahubwo ku birenze ibyo muri ayo mezi abanyarwanda bamenye ingengabihe nk'iy'imyaka itatu iri imbere nabo bakitegura kare buri wese mu bushobozi bwe?

Bwiza.com

Perezida Kagame na Macron bahamagaranye baganira ku kibazo cya Congo

Niyonsenga Schadrack — 2024-04-23T12:49:00Z

Ibiro byâ€™Umukuru wâ€™Igihugu cyâ€™u Rwanda byatangaje ko yagiranye ibiganiro nâ€™umukuru wâ€™Ubufaransa kuri telefone baganira ku ngingo zitandukanye zirimo nâ€™ibirebana nâ€™umutekano mu Burasirazuba bwa Repubulika Iharanira Demokarasi ya Congo.

Biragoye ko kuri ubu umuyobozi wâ€™u Rwanda cyangwa uwa DRC bagira undi muyobozi bagirana ibiganiro bakabisoza batagarutse ku kibazo cyâ€™umutekano hagati yâ€™ibyo bihugu byombi, ni ikibazo gikomoka ku ntambara iri mu Burasirazuba bwa DRC aho ingabo zâ€™icyo gihugu zihanganye nâ€™umutwe wa M23, ariko DRC yo ikemeza ko uwo mutwe utabaho ko ahubwo bahanganye nâ€™u Rwanda.

U Rwanda ku rundi ruhande rwo rukomeza kwamagana ibyo birego rukemeza ko Leta ya DRC ikwiye kwita ku bibazo byâ€™imbere mu gihugu cyabo kuko rushimangira ko abagize M23 ari Abanyekongo uretse gusa kuba bavuga ururimi rwâ€™Ikinyarwanda bakomora ku kuba aho bakomoka harahoze ari mu Rwanda mbere yâ€™uko imipaka ikatwa nâ€™abakoloni.

Nkâ€™uko byatangajwe nâ€™urukuta rwa X rwâ€™Ibiro byâ€™umukuru wâ€™u Rwanda, bavuze ko â€œPerezida Kagame na Perezida Emmanuel Macron bagiranye ibiganiro byâ€™ingirakamaro mu gitondo aho abakuru bâ€™Ibihugu baganiriye ku bufatanye bwâ€™ibihugu byombi.â€

Ibiganiro byâ€™aba bombi kandi ngo â€œByibanze ku bibazo biri mu karere birimo nâ€™icyo mu Burasirazuba bwa DRC bashimangira ko hakenewe igisubizo cya politiki ndetse bakaba banashimye ingamba ziriho zigamije gushaka igisubizo zirimo ibiganiro bya Luanda nâ€™ibya Nairobi.â€

President Kagame and President @EmmanuelMacron held a productive call this morning. They discussed the fruitful bilateral cooperation and areas of future collaboration. The Heads of State also extensively discussed regional matters, among them Eastern DRC. They highlighted theâ€¦

— Presidency | Rwanda (@UrugwiroVillage) April 23, 2024

Umubano wâ€™u Rwanda nâ€™Ubufaransa kuri ubu abasesenguzi bemeza ko umeze neza nyuma yâ€™aho icyo gihugu cyemeye uruhare muri Jenoside yakorewe Abatutsi icyakora kiracyanengwa kugenda buhoro ku bijyanye no kuba cyata muri yombi abakoze iyo jenoside bakihishemo.

U Rwanda rukaba ari kimwe mu bihugu byumva neza icyo M23 irwanira kuko ruri no mu bihugu bicumbikiye impunzi zakuwe mu byazo nâ€™abo mu mutwe wa FDLR kuri ubu nabo bari mu ihuriro rirwanya M23.

Ubwo yabazwaga niba u Rwanda rutera inkunga M23, Perezida Kagame yasubize abaza nawe â€œImpamvu abandi badatera inkunga uwo mutwe.â€

Ni u Rwanda kandi rudahwema kugaragaza impungenge ruterwa no kuba Leta ya DRC yarahaye ibyimbo abo mu mutwe wa FDLR nyamara umugambi wabo wo kuva kera wo guhirika ubutegetsi bwâ€™u Rwanda ukaba utarahindutse.

Kuri iyo ngingo yo gukorana na FDLR ho bisa nkâ€™aho Leta ya Repubulika Iharanira Demokarasi ya Congo idafite icyo kubikoraho cyane ko mu bihe bitandukanye igenda yivuguruza:

Rimwe yemera ko ari ikintu cyâ€™ingenzi gikwiye gukorwa ndetse ikanatangaza ko igiye kubikora, ku bukurikiye igatangaza ko iyo FDLR itakibazo ko ngo yaba yaraciwe intege na gahunda zihuriweho zâ€™u Rwanda na DRC zigeze gukorwa zo kurwanya uwo mutwe w'iterabwoba naho ubwa gatatu birengagije nkana ibyo FDLR ishinjwa byo kuba igizwe n'abasize bahekuye u Rwanda muri Jenoside yakorewe Abatutsi bagatangaza ko abayigize ari abanyarwanda babahungiyeho ndetse ko bakwiye gufashwa gutaha iwabo. Ibishimangira ko Leta ya DRC idafite umurongo ku kibazo cya FDLR ishinjwa kuba ikorana nayo.

Intsinzi kuri Rishi Sunak nyuma yo kwemeza itegeko ryo kohereza abimukira mu Rwanda

Denis Nsengiyumva — 2024-04-23T07:33:46Z

Inteko ishinga amategeko yâ€™u Bwongereza yemeje iri tegeko, mu ijoro ryo ku wa Mbere rishyira kuri wa Kabiri, umushinga wâ€™itegeko wateje impaka werekeye kohereza mu Rwanda abasaba ubuhungiro binjiye mu Bwongereza mu buryo butemewe nâ€™amategeko. Ni intsinzi ikomeye kuri Minisitiri wâ€™intebe, Rishi Sunak, mu gihe mu Bwongereza berekeza mu matora y'umuyobozi w'ishyaka ry'Aba-conservateurs riri ku butegetsi.

Iyemezwa ry'uyu mushinga w'itegeko rigamije kohereza abasaba ubuhungiro binjiye mu Bwongereza mu buryo butemewe n'amategeko mu Rwanda, risoje intambara yari imaze iminsi hagati y'imitwe yombi yâ€™inteko ishinga amategeko nk'uko iyi nkuru dukesha AFP ivuga.

Uyu mushinga watangajwe mu myaka ibiri ishize na guverinoma ya Rishi Sunak kandi agaragaza ko ari ingamba zâ€™ibanze za politiki zo kurwanya abimukira binjira mu Bwongereza mu buryo butemewe, uyu mushinga ugamije kohereza abasaba ubuhungiro mu Rwanda, aho baturutse hose, binjiye mu Bwongereza mu buryo butemewe, bambutse Umuyoboro wâ€™u Bwongereza mu twato duto.

Amasezerano mashya hagati ya Londres na Kigali ateganya kwishyura u Rwanda amafaranga menshi mu azafasha mu kwakira no kwita ku bimukira bazazanwa,aho inyandiko yagiweho impaka kuri uyu wa Mbere ushize mu Nteko ishinga amategeko yari igamije gusubiza imyanzuro yâ€™Urukiko rwâ€™ikirenga, yari yasanze umushinga wa mbere utemewe n'amategeko mu Gushyingo gushize. By'umwihariko, isobanura u Rwanda nk'igihugu gifite umutekano abimukira batahuriramo nâ€™ibibazo bagiye bava iwabo bahunga.

Mu gitondo cyo kuri uyu wa Mbere, itariki 22 Mata 2024, Minisitiri wâ€™Intebe, Rishi Sunak mu kiganiro nâ€™abanyamakuru kuri Downing Street, yari yasabye abagize Inteko ishinga amategeko guhagarika kwitambika umushinga wâ€™itegeko mbere yâ€™amatora yari ateganijwe ku gicamunsi.

Start the flights.
Stop the boats.

That's what this bill delivers. pic.twitter.com/y93Ti3qe2k

— Rishi Sunak (@RishiSunak) April 23, 2024

Kigali ifite umutekano kurusha London: Minisitiri wungirije mu Bwongereza

Olivier NTANTURO — 2024-04-22T13:02:00Z

Umurwa mukuru wâ€™u Rwanda, Kigali, ufite umutekano kurusha London, nk'uko byemejwe na Minisitiri wâ€™ububanyi nâ€™amahanga wungirije w'Ubwongereza, Andrew Mitchell. â€œâ€

Mu gihe Ubwongereza bukiri kwiga ku mushinga wo kohereza abimukira mu Rwanda, Minisitiri wâ€™ububanyi nâ€™amahanga wungirije w'Ubwongereza yabwiye itangazamakuru ko burya Kigali ifite umutekano kurusha London.

Ibi yabivuze ashimangira ko kohereza abo bimukira mu Rwanda bitekanye cyane kurusha uko baba bari London kuko idatekanye nka Kigali boherezwamo.

Mu kiganiro na BBC mu gitondo cyo kuri uyu wa mbere, Andrew Mitchell yagize ati: "Ntibisanzwe rwose ibyo guverinoma y'u Rwanda imaze kugeraho mu nzego zose. Ni igihugu gifite umutekano."

Akomeza agira ati: "Kandi, mu byukuri, iyo urebye imibare, twavuga ko Kigali afite umutekano kurusha London. Sinshidikanya na gato ku bijyanye n'umutekano w'u Rwanda.â€

Asubiza abavuga ko mu Rwanda impunzi zibayeho nabi, yagize ati: â€œAriko ibintu biragaragara. Mu Rwanda hari umubare munini w'impunzi, zitaweho neza.â€

Rutsiro: Muhawenimana wâ€™imyaka 32 yapfanye nâ€™uwo yarimo abyarira mu rugo

Eric Marshall Koffito — 2024-04-22T10:33:42Z

Muhawenimana Josephine wâ€™imyaka 32, wo mu karere ka Rutsiro yapfanye nâ€™uwo yarimo abyarira mu rugo.

Amakuru yâ€™urupfu rwa Muhawenimana nâ€™uwo yibarutse yamenyekanye mu rukerera rwo kuri iki cyumweru, tariki 21 Mata 2024.

Ibi byabereye mu murenge wa Rusebeya, akagari ka Remera ho mu mudugudu wa Shyembe, akaba yari yaraje kuba munzu ituranye nâ€™iyo ababyeyi be batuyemo.

Umunyamabanga nshingwabikorwa wâ€™agateganyo wâ€™umurenge wa Rusebeya, Nsabyitora Vedaste yahamirije Bwiza.com aya makuru.

Ati â€œAmakuru twayamenye tuyahawe ni abaturanyi ko yapfuye ari kubyara, apfana nuwo yabyaraga, abana yari kumwe nabo munzu nibo batabaje abaturanyi bahageze basanga bashizemo umwuka.â€

Akomeza avuga ko bana yabanaga nabo munzu umukuru yari afite imyaka 9 naho umuto afite imyaka 6.

Nsabyitora kandi yaboneyeho gusaba abaturage, gupimisha inda no kubyarira kwa muganga, bakubahiriza gahunda za muganga birinda kuba babyarira mu rugo kuko bishobora kugira ingaruka ku buzima bwâ€™umubyeyi nâ€™umwana.

Nyuma yâ€™uko abakozi bâ€™Urwego rwâ€™Igihugu rwâ€™Ubugenzacyaha RIB, bakoze iperereza ku bufatanye nâ€™Umurenge wa Rusebeya, Umurambo wa nyakwigendera wahise ushyingurwa.

Imibare yo mu 2020, igaragaza ko mu Rwanda, abagore bapfa babyara bari 203 ku bagore ibihumbi 100, naho abana bapfa bavuka banganaga na 19 ku bana 1000.

Ibiro by'Akarere ka Rutsiro