Connect with us

Imyidagaduro

Neza watwaye Afrima Award azataramana na Masamba muri Kigali Jaz Junction

Published

on

Ku wa Gatanu tariki ya 8 Ukuboza 2017 , muri Kigali Serena Hotel hazabera igitaramo cy’umunyarwandakazi, Neza Masozera na Masamba Intore, muri Kigali Junction.

Patricia Neza Masozera ubusanzwe uzwi ku izina rya ‘Da SongBird’ ni umunyarwandakazi ukorera umuziki muri Nigeria, ubu akaba ari mu Rwanda, aje mu gitaramo azahuriramo na Masamba Intore.

Neza mu kiganiro n’abanyamakuru

Mu kiganiro yagiranye n’itangazamakuru kuri uyu wa Gatatu tariki ya 6 Ukuboza, ari kumwe na Masamba Intore, bagiye guhurira mu gitaramo cya Kigali Jazz Junction, Neza yerekanye igihembo cya Afrima aherutse kwegukana ahigitse abandi bahanzi bakomeye ku Mugabane wa Afurika ndetse avuga ko yishimiye guhurira hamwe na Masamba mu gitaramo kimwe, kuko asanzwe amuzi kandi ari n’inararibonye mu muziki.

[xyz-ihs snippet=”google-pub”]

Uyu muhanzi yijeje abanyamakuru ko azataramira abantu bakishima, ati “ hashize igihe kirekire, hashize imyaka umunani, nari maze igihe ntegereje cyane uyu mwanya. Nari maze igihe nkurikirana ibikorwa bya Kigali Jazz Junction, ni umunsi utinze kugera kuko ni inzozi nkabije kuba ngiye kuririmbira Abanyarwanda tukishimana.”

Masamba yavuze yishimira kuba agiye guhurira ku rubyiniro rumwe n’umukobwa ukiri muto kandi akaba ari igitaramo agiye gukora asoza umwaka, ariko na none ukaba ari umwanya wo kwerekana ko gakondo ntaho itakora no muri Jaz yakora, yewe ngo no muri buruze.

[xyz-ihs snippet=”google-pub”]

Ati “ nibyiza ko tugiye gukora igitaramo, kuri njye kikaba aricyo gitaramo nkoze gisoza umwaka, ni ibyo kwishimira , tugomba gusoza umwaka twishimye kuko dufite umutekano , dufite igihugu cyiza, ikindi ni uko ngiye guhurira n’umwana muto kuri stage , ni umwanya mwiza wo kugaragaza ko gakondo yacu yabasha kugaragara hose.”

Masamba yakomeje avuga ko uku guhura kwa gakondo na Jaz cyangwa izindi njyana bizafasha kuyigeza kure aho kuba iyo mu Rwanda gusa. Ati ““ ni umwanya mwiza wo kugaragaza gakondo yacu ikagera kure ntibe iyo mu Rwanda gusa.

Igihembo cya Afrima, Neza yegukanye, yagihawe mu birori byabereye mu Mujyi wa Lagos muri EKO Hotel & Suites mu ijoro ryo ku itariki 12 Ugushyingo 2017, byari biyobowe na Akon. Neza yahawe icy’umuhanzi utanga icyizere muri Afurika [most promising artiste in Africa].

Kompanyi RG-Consult Inc niyo itegura ibitaramo bya ‘Kigali Jazz Junction’, ubu ikaba ari inshuro ya 6 kigiye kuba kuva ‘Kigali Junction’ yatangira, ku nshuro ya gatanu kikaba cyarabaye ku wa 03 Ugushyingo 2017, muri Serena Hotel, kitabirwa n’abahanzi barimo Asaiah Katumwa kuva muri Uganda & Andy Bumuntu na Neptunaz Band.

 

Kanda hano ujye ubona amakuru yihuse kandi kugihe kuri Facebook no kuri twitter

bwiza.com

Advertisement
TANGA IGITEKEREZO

Leave a Reply

Your email address will not be published. Required fields are marked *