Connect with us

Imikino

Jose Mourinho arashaka kugura abakinnyi batatu ba Real Madrid

Published

on

Umutoza w’ikipe ya Manchester United, Jose Mourinho, atangaza ko muri sezo itaha ashobora kugura abakinnyi batatu bo mu ikipe ya Real Madrid yo muri Espagne. 

Ikinyamakuru Express gitangaza ko n’ubwo avuga ko ashaka kugura batatu, ko umuzamu we, David de Gea na we ashaka kugendaDavid de Gea ngo ni we witangarije ko ashaka gusubira mu gihugu cye cy’amavuko cya Espagne, gusa na none ngo Mourinho akaba ashobora kuzakora ibishoboka byose akagumana umuzamu we.

Ibinyamakuru byo muri Espagne bikaba bikomeje gutangaza ko Mourinho yabwiye umuyobozi wa Real Madrid ko ashaka abakinnyi be babatu. Abashyirwa mu majwi cyane ko bashobora kugurwa na Man. Utd, ni Raphael Varane ukina inyuma, Isco na Marco Asensio.

Kuba Mourinho ateganya kugura Marco Asensio muri sezo itaha ngo si igitangaza, ko atari bwo bwa mbere agize byinshi amuvugaho, dore ko yanamubereye umutoza agitoza R.Madrid.

Umutoza Mourinho akomeje gushaka abakinnyi bashya ajyana i Old Trafford, mu gihe ikipe atoza ihagaze neza muri shampiyona yo mu Bwongereza, iri ku mwanya wa kabiri n’amanota 56 mu gihe Man. City iri ku mwanya wa mbere ifite 69.

 

Advertisement
TANGA IGITEKEREZO

Leave a Reply

Your email address will not be published. Required fields are marked *