Connect with us

Iyobokamana

Ikirego cy’umuvugabutumwa watutse abagore ko nta cyiza kibaturukaho, kigiye gusuzumwa na RMC

Published

on

Urwego rw’ abanyamakuru rwigenzura ,(RMC) rugiye kugenzura ikirego cy’ ishyirahamwe Pro-Femmes Twese Hamwe gishyira mu majwi  inyigisho z’ umuvugabutumwa Nicolas Niyibikora zavugaga ko nta cyiza gituruka ku mugore.

Mu  rwego rwo gusesengura ubutumwa Nicolas Niyibikora yatangarije kuri Radio Ubuntu Butangaje( Amazing Grace), Urwego RMC rwamaze kwanzura ko ruzatangira kugenzura iki kirego mu cyumweru gitaha kizatangira kwa 12 Gashyantare 2018.

Uyu Niyibikora wahoze ari umushumba mu itorero ry’ Abadiventiste bo ku munsi wa karindwa akaza guhagarikwa kuwa 17 Muatarama 2018 yari yashimangiye ko abagore batari mu bushake bw’ Imana.

Yagize ati « Niba mwarasomye bibiliya nta cyiza mwabona ku mugore  kuko niwe wazanye icyaha ku isi ntabwo ari umugabo ».

Perezida wa pro-femmes ,Jeanne d’Arc Kanakuze  yahise atangaza ko ibyo bitekerezo bya Niyibikora bishobora gutuma abagore bavangurwa muri sosiyete.

Ati « Usibye kuba izo nyigisho zitandukiriye amahame y’ igihugu cyacu ziranavuguruza amahame nshingiro mpuzamahanga y’ uburenganzira bwa muntu arwanya ivangura ry’ igitsina ».

Kimwe n’ abandi bantu benshi bakurikiye iki kiganiro cya Niyibikora basabye ko yasaba imbabazi ku mugaragaro ndetse na Radio yakoresheje nayo igatanga ibisobanuro bihagije.

Nyuma y’ ikiganiro yakoze kikavugwaho byinshi n’ abantu batandukanye, Niyibikora yatangarije Rwandailynews ko ko atumba impamvu inyigisho ze zafashwe  nk’izibasira abagore.

Yasobanuye ko abavuga ibi ari abafite imyumvire ipfuye cyangwa se bakaba ari abatarakurikiranye neza ikigisho kuva ku ntangiriro.

Yemeza ko atavuze umugore usanzwe ko ahubwo yavugaga umugore nk’itorero ry’ubu.

Ikindi avuga ni uko inyigisho ye yaganishaga ku bubi bw’umugore ariko ko ngo bitarangiriye aho hari ikindi kigisho agomba gukora cyo ariko kikavuga ubwiza bw’abagore.

Agira ati: “Mbere nabanje gutanga amasomo avuga ko umugore ari itorero bitabujije ko harimo umugore mwiza nawe nzamusobanura”.

Advertisement
1 Comment

1 Comment

  1. kayinamura Eric

    February 20, 2018 at 11:50 am

    uyu muvugabutumwa azongere asome neza

    Abigaili yarusije Nabali ubwenge
    Debura yaroye Isirael abagabo bananiwe

    Esteri yagobotse isirael
    Maria yatanze intumwa kugera Ku gituro nabandi …

Leave a Reply

Your email address will not be published. Required fields are marked *