Connect with us

Amakuru

Abacururiza mu isoko rishaje rya Gisenyi bakomeje gutaka ibihombo bari guterwa n’imvura

Published

on

Abacururiza mu isoko rishaje rya Gisenyi baratakamba kubera ibicuruzwa byabo binyagirwa bigatuma byangirika bakavuga ko bababazwa no kuba isoko rishya ryari ryitezweho gutanga igisubizo cy’ibi bibazo byabo ryatinze kuzura.

Umwe mu bacururiza muri iri soko aragira ati: “Turazambijwe rwose n’imvura…ndahomba cyane..buno hano tuhafite igihombo, impamvu twicara hano ni ukwanga kwirirwa mu rugo. Tuba turi kugenda hano tumeze nk’abari kugendera mu Kivu.”

Iri soko rishaje ryo mu Karere ka Rubavu rifatanye n’irindi rimaze imyaka isaga 6 ryaranze kuzura kubera ibibazo byinshi bishingiye ku kuntu ryatanzwe ngo ryubakwe bigatuma akarere gakomeza kuriburana na rwiyemezamirimo wari watsindiye kuryubaka.

[xyz-ihs snippet=”google-pub”]

Muri iki gihe cy’imvura, abacururiza muri iri soko bakomeje kuvuga ko kuhakorera bibagoye cyane ndetse bari guhura n’igihombo kuko ntaho bafite biking imvura. Iyo ugeze muri iri soko usanga abarikoreramo bitwikiriye imitaka ndetse n’ibicuruzwa byabo babitwikirije imitaka minini y’amasosiyete y’itumanaho akorera mu Rwanda, mu gihe hagati mu isoko usanga baratwikirije amahema ahantu hava barinda ibicuruzwa byabo kuvirwa.

Ariko abacuruza imyunyu, amafu n’amasukari, bo ngo ikibazo cyabo kirihariye kuko ibi bicuruzwa byabo iyo bigezemo igitonyanga bihita byangirika. Aba bakaba bavuga ko ya mvura igwa itunguranye cyangwa imiyaga ibateza igihombo gikabije. Aba bakaba basaba ko isoko rishya riri kubakwa ryakuzura vuba bakabona aho bakorera.

Perezida w’iri soko rya Gisenyi, Uwimana Jean Bosco, avuga ko Atari aba bacuruzi bafite ibibazo gusa kuko n’abakorera ahitwa ko hasakaye nabo bafite ibibazo.

Uyu agira ati: “Hari ibicuruzwa byabo byangirika kubera imvura cyangwa izuba. N’iki gice gisakaye rero hari ukuntu..imiyoboro yabyo yatwaraga amazi yari yarubatswe mu buryo bwa kera yazibye, iyo imvura iguye na hano hagati huzuramo amazi. Ibyo byose ariko n’ubuyobozi burabizi kubera ko igihe cyose turaganira bakatwizeza ko igisubizo ari ririya soko (isoko rishya).”

Kimwe mu bikomeje kubabaza abaturage nuko batanga imisoro neza ariko bagakomeza kubona ibihombo mu bucuruzi bwabo.

Nubwo bifuza kubona ahantu hazima ho gukorera, bias nk’aho igisubizo cy’ibibazo byabo kitazaboneka vuba kuko isoko rishya ryatangiye kubakwa mu 2010 na n’ubu rikiri mu manza zatangiye mu 2014.

Ku ruhande rw’Akarere ka Rubavu, ubuyobozi buvuga ko ntacyo bushobora gukora kuri iki kibazo kandi nta byinshi batangaza kuko nabo iki kibazo kibahangayikishije.

Isoko rishya rikomeje kudindira

Mu kwezi kwa Gashyantare uyu mwaka nibwo umuhesha w’inkiko w’umwuga yashyikirije akarere ka rubavu ibyangombwa bigahesha uburenganzira bwo gusubirana iri soko nyuma y’aho urukiko rw’Ikirenga rwemereje ko katsinze rwiyemezamirimo, ABBA Ltd, warikaburanyaga, mu gihe ariko akarere kari gatangiye inzira ziteganywa n’amategeko ngo imirimo y’iri soko ikomeze, uyu rwiyemezamirimo yajuririye icyemezo cy’urukiko isoko riba risubiye mu manza gutyo kugeza ubu.

Intandaro y’ibi bibazo byose ariko ngo n’uko Akarere ka Rubavu kamaze kubura ubushobozi bwo kuryubaka mu 2010, kafashe icyemezo cyo kurigurisha rwiyemezamirimo, ABBA Ltd, ariko binyuranyije n’amategeko, ari nabyo byabaye intandaro yo kweguzwa kwa Sheikh Bahame Hassan wayoboraga aka karere ndetse na komite nyobozi ye yose muri Werurwe 2015.

 

Kanda hano ujye ubona amakuru yihuse kandi kugihe kuri Facebook no kuri twitter

 

@bwiza.com

 

Advertisement
TANGA IGITEKEREZO

Leave a Reply

Your email address will not be published. Required fields are marked *