Minisiteri y’Ubuzima muri Uganda yatangaje ko kuri uyu wa Kane umuntu wa mbere yishwe na Covid-19.
Umuforomokazi w’imyaka 39 wo mu karere ka Namasindwa hafi y’umupaka wa Uganda na Kenya niwe wahitanwe bwa mbere na Covid-19 muri Uganda.
Minisiteri y’ubuzima kandi ivuga ko nubwo uyu wahitanwe na Covid-19 atuye mu gace kegereye Kenya irimo ubwandu bwinshi bidasobanuye ko yanduriye muri icyo gihugu.
Uyu muforomokazi ngo yagejejwe mu bitaro tariki 15 Nyakanga nyuma yo kugaragaza ibimenyetso bikomeye bya korona virusi birimo n’umusonga.
Minisiteri y’ubuzima muri Uganda ivuga ko abantu 30 bose bikekwa ko bahuye n’uyu mufolomokazi wahitanwe na Covid-19 bashyizwe mu kato. Mu kwezi kwa Gatanu yakuyeho ingamba za Guma Mu rugo yari yarafashe. Mu cyumweru gishize kandi nibwo yemereye bamwe mu bacururiza mu duce dutuwe cyane muri Uganda bongera gukora.
Kugeza ubu abamaze kwandura Korona virus muri Uganda ni 1079 , umwe muri bo ikaba yaraye imuhitanye.
Tanga igitekerezo