Uwahoze ari umuyobozi mukuru wa Arsenal, Sir Chips Keswick, yapfuye ku myaka 84 nyuma y’imyaka igera kuri ine avuye ku buyobozi bwo kuyobora Arsenal yihebewe na benshi hano mu Rwanda.
Uruppfu rwa Keswick rwatangajwe na Arsenal ibinyujije mu itangazo yashyize ku mbuga nkoranyambaga zayo kuri uyu wa gatanu tariki ya 19 Mata 2024.
Iyi kipe yagize ati: "Ni agahinda n’umubabaro gutangaza urupfu rw’uwahoze ari perezida wacu, Sir Chips Keswick."
Muri iryo tangazo ntabwo Arsenal yigeze itangaza icyo uyu munyemari yazize.
Keswick yamenyekanye nk’umuherwe w’umucuruzi akaba yarinjiye bwa mbere mu buyobozi bwa Arsenal muri 2005 nk’ushinzwe ibikorwa ndetse yaje kuba perezida wayo muri 2013, umwanya yavuyeho muri Gicurasi 2020.
Ku ngoma ya Keswick nka perezida, Arsenal yatwaye ibikombe bine bya FA ndetse yegukanye umwanya wa kabiri muri Premier League, Europa League na Carabao Cup.
Tanga igitekerezo